Fake Ghee Ahmedabad : અમૂલના ડબ્બામાં નકલી ઘીનું કૌભાંડ ઝડપાયું

નકલી ઘીનું કૌભાંડ(Fake Ghee Ahmedabad) શહેરના સાણંદ સર્કલ પાસેના જગદીશ એસ્ટેટમાંથી ઝડપાયુ છે. ગોડાઉન ભાડે રાખી નકલી ઘી બનાવી(making fake ghee ahmedabad) બ્રાન્ડેડ નામે વેચતા હતા આરોપીઓ. 160 ડબ્બા સાથે 2ની ધરપકડ કરી તપાસ કરતા ઘી કડીથી મગાવી અમદાવાદમાં પેકિંગ કરી રાજકોટ પહોંચાડાતું હોવાનું સામે આવ્યું.

• નકલી ઘીનું કૌભાંડ શહેરના સાણંદ સર્કલ પાસેના જગદીશ એસ્ટેટમાંથી ઝડપાયુ
• 160 ડબ્બા સાથે 2 આરોપીની ધરપકડ કરી
• લેબલ લગાવીને વેચાણ કરતા હતા. બનાવટી ઘી તેઓ કડીથી લાવતા હતા

અમદાવાદઃ સરખેજ સાણંદ સર્કલ નજીકના જગદીશ એસ્ટેટમાંથી બનાવટી અમૂલ ઘીનું(Fake Ghee Ahmedabad) ગોડાઉન પકડાયું છે. આરોપીઓ અમૂલ ઘીના ડબ્બામાં બનાવટી ઘી(making fake ghee ahmedabad) ભરીને અમૂલ ઘીનું લેબલ લગાવીને વેચાણ કરતા હતા. બનાવટી ઘી તેઓ કડીથી લાવતા હતા અને નકલી અમૂલ ઘી(amul fake ghee) રાજકોટમાં વેચતા હતા. જ્યારે પોલીસે ગોડાઉનમાંથી બનાવટી ઘીના 15 કિલોના 160 ડબ્બા, ગાડી સહિત રૂ.8.32 લાખનો મુદ્દામાલ કબજે કર્યો છે.

ચાર-પાંચ દિવસથી આ ધંધો કરતા હતા

જ્યારે આરોપીઓ ગોડાઉનમા માલ ભરી પેકિંગ કરતા હતા ત્યારે સ્થળ પરથી પોલીસને 15 કિલોના ઘીના ભરેલા 160 ડબ્બા, અમૂલના પૂઠા, અમૂલના માર્કાવાળા સ્ટીકર, ડબ્બા સીલ કરવાનું મશીન તેમજ એક બોલેરો પીકઅપ વાન મળી આવી હતી. આરોપી દેવ બાલુસિંગ વાઘેલા અને અલ્પેશ દવેરા ચાર પાંચ દિવસથી આ ધંધો કરતા હોવાનું સામે આવ્યું છે.

ધીના ડબ્બા 5 હજારમાં વેચતા હતા

આ ઉપરાંત તપાસમાં(ahmedabad police operation) સામે આવ્યું છે કે, 15 કિલો બનાવટી ઘીનો એક ડબ્બો સીલ કરીને 1500માં આરોપીઓ તૈયાર કરી દેતા હતા. તે ડબ્બો અમૂલ ઘીમાં ખપાવીને 5 હજારમાં વેચતા હતા. જેથી આ લોકોએ અત્યાર સુધીમાં કેટલા કિલો બનાવટી ઘી મંગાવીને અમૂલ ઘીમાં ખપાવીને વેચ્યુ તે દિશામાં પોલીસે વધુ તપાસ શરૂ કરી છે. આરોપીઓ નકલી ઘી રાજકોટના માર્કેટમાં સપ્લાય કરતા હતાં. ત્યારે આ કેસમાં અન્ય કેટલા લોકો(Ahmedabad police caught fake The) સંડોવાયેલા છે તે બાબતે પણ તપાસ શરૂ કરાઇ છે.

આ પણ વાંચોઃ ભુજ હાટ ખાતે સ્વદેશી ઉત્પાદનોના મેળાનું આયોજન, કઠોળ, ઘી, કાચી ઘાણીનું તેલ ઓર્ગેનિક ચીજ વસ્તુઓનું વેંચાણ

આ પણ વાંચોઃ ખંભાળિયાની શાન એવી ઘી નદીને લાગ્યું છે ગાંડી વેલ રૂપી ગ્રહણ