દશામાંના વ્રતનો પ્રારંભ, ભક્તોમાં અનેરો ઉત્સાહ

અમદાવાદ: પવિત્ર શ્રાવણ માસનો આજથી પ્રારંભ થયો છે, ભક્તો ભક્તિમય બન્યા છે. શુક્રવારથી દશામાંના વ્રતની શરુઆતનો પ્રથમ દિવસ છે. સમગ્ર ગુજરાતમાં દશામાંના વ્રતનું ખુબ જ મહત્વ રહેલું છે.

અમદાવાદમાં દાણાપીઠ ફાયર બ્રિગેડ સ્ટેશન સામે આવેલા પ્રાચીન દશામાંના મંદિર ખાતે ભાવિક ભક્તો દર્શનાર્થે ઉમટી પડ્યા હતા. પ્રથમ દિવસે દશામાંની સાંઢણી અને મૂર્તિ ભક્તો પોતાના ઘરે સ્થાપન કરતા હોય છે. દસ દિવસ દશામાંની પૂજન-અર્ચન કર્યા બાદ દસમાં દિવસે દશામાંની મૂર્તિને નદીમાં પધરાવવામાં આવે છે.

ભાવિક ભક્તો દ્વારા દશામાંની અલગ-અલગ સ્વરૂપોની મૂર્તિ સ્થાપન માટે લઈ જવામાં આવે છે અને દસ દિવસ ભક્તો દશામાંના ભક્તિમાં લીન થઈ જતા હોય છે.