નારાયણ સાંઇ દ્વારા મહિલા પર આચરવામાં આવેલા દુષ્કર્મ કેસમા સહ-મહિલા આરોપી ધર્મિષ્ઠા ઉર્ફ ગંગા અને ભાવના ઉર્ફે જમુના સહિત 3 લોકોને સુરત સેશન્સ કોર્ટે દુષ્કાર્મના કેસમાં સંડોવાયેલા હોવાથી 10 -10 વર્ષની સજા ફટકારી હતી. જેને રદ કરવા હાઇકોર્ટમાં અપિલ દાખલ કરવામાં આવી હતી. હાઇકોર્ટે સોમવારે સુરત સેશન્સ કોર્ટના ચુકાદા સામે પડકારવામાં આવેલી અપિલને માન્ય રાખ્યું છે. જ્યારે સજા રદ કરી જામીન મેળવવા મુદ્દેની અરજીમાં રાજ્ય સરકારને નોટિસ પાઠવી 18મી જુલાઈ સુધી ખુલાસો માંગ્યો છે.
30મી એપ્રિલના રોજ આસારામ બાપુના પુત્ર નારાયણ સાઈને પોતાની પૂર્વ સાધિકા સાથે દુષ્કર્મ કરવાના કેસમાં સુરત સેશન કોર્ટ આજીવન કેદની સજા ફટકારી હતી અને તેની સાથે સંડોવાયેલી બે મહિલા સહ-આરોપીઓને 10 - 10 વર્ષની સજા ફટકરાઈ હતી.
