ભાજપના 40થી વધારે સ્ટાર પ્રચારકો ગુજરાત સભાઓ ગજવશે

અમદાવાદઃ લોકસભા ચૂંટણીનુ આજથી પ્રથમ તબક્કાનું મતદાન શરુ થઈ ચૂક્યુ છે. ત્યારે હવે ભાજપ દ્વારા 40 કેન્દ્રીય સ્ટાર પ્રચારકોની ટીમ ગુજરાતમાં પ્રચાર માટે ઉતારવાની તૈયારીઓ શરુ કરી દીધી છે. જે અંતર્ગત આવનાર 12 થી 19 એપ્રિલના રોજ કેન્દ્રીય નેતાગીરીથી વિવિધ રાજ્યોના મુખ્યપ્રધાનો ગુજરાતમાં પ્રચાર અર્થે આવી રહ્યા છે.

લોકસભા ચૂંટણીના પ્રચાર માટે આગામી દિવસોમાં 40થી પણ વધારે સ્ટાર પ્રચારકો ભાજપ માટે પ્રચાર શરુ કરવા ગુજરાત આવશે જેની યાદી ભાજપ દ્વારા જાહેર કરાઈ હતી. ભાજપનાં સ્ટાર પ્રચારકો ગુજરાતમાં ઝંઝાવતી ચૂંટણી પ્રચાર કરી ગુજરાતની 26 લોકસભા બેઠક પર વિજય માટેની તૈયારીઓ શરુ કરી દેવામાં આવી છે. થોડા દિવસ પહેલા અમિત શાહ ગુજરાત આવી પોતાના મત વિસ્તારમાં રોડ શો યોજ્યો હતો. ત્યારે બીજી બાજુ 10 એપ્રિલે નરેન્દ્ર મોદીએ જૂનાગઢ અને સોનગઢમાં ચૂંટણી સભાઓ યોજી હતી.

ભાજપના 40થી વધારે સ્ચાર પ્રચારકોની યાદી

આગામી દિવસોમાં 12 થી 19 એપ્રિલમાં ગુજરાતમાં રાજનાથસિંહ, યોગી આદિત્યનાથ, દેવેન્દ્ર ફ્ડનવીશ, વી કે સિંહજી, સ્મૃતિ ઇરાની, સુષ્મા સ્વરાજ, નીતિન ગડકરી, શિવરાજસિંહ ચૌહાણ વગરે પ્રચાર અર્થે ગુજરાતમાં આવશે. આ સ્ટાર પ્રચારકો રાજ્યની 26 લોકસભા બેઠકો પર ચૂંટણી પ્રચાર કરશે. આ પ્રચાર લોકસભા બેઠકના મુખ્ય શહેરોમા થશે, જેમાં જાહેર સભાઓ સાથે રેલીઓનું પણ આયોજન ભાજપ દ્વારા કરવામાં આવ્યું છે.. હાલ આ નેતાઓની ગુજરાતમાં આવવાની તારીખો ભાજપ દ્વારા જાહેર કરાઈ છે, પણ સ્થળ હજુ નક્કી કરાયા નથી. આ નેતાઓ ગુજરાતમાં આવી જીત મેળવવાના આશય સાથે સભાઓ ગજવશે.