આ અંગે કોંગ્રેસ પ્રવક્તા મનીષ દોશીએ સરકાર ઉપર પ્રહારો કરતા જણાવ્યું કે, યુવાઓનું નેતૃત્વ કરનાર હાર્દિકે ચૂંટણી લડી શકે તે માટે હાઇકોર્ટમાં અરજી કરી હતી. જો હાર્દિક ચૂંટણી લડત તો સરકારને ફટકો પડત જેથી ભાજપ ડરી ગયી છે. સંઘર્ષ કરતા યુવાનની લડતા અટકાવવા માટે તમામ પ્રયાસો કર્યા અને હાર્દિકને ચૂંટણી લડવા રોકવા ઇચ્છતા હતા, જેમાં તેઓ સફળ થયા છે.
મનીષ દોશીની પ્રતિક્રિયા
આ ઉપરાંત તેમણે જણાવ્યું કે, પાટીદાર આંદોલનના કારણે ભાજપની જનવીરોધી નીતિનો ચહેરો ખુલ્લો પડી ગયો હતો. જેને લીધે ભાજપ યુવા નેતાને દબાવવાવનો પ્રયાસ કરી રહી છે. આગળ જરૂરી જે કંઈ કાયદાકીય પ્રક્રિયાઓ હશે. તેનો સહારો લેવામાં આવશે અને હાર્દિક હવે આગામી દિવસોમાં કોંગ્રેસનો પ્રચાર કરશે. ભાજપની જન વિરોધી નિતિઓને લોકો સમક્ષ લઈ જશે.
