શહેરમાં રખિયાલ વિસ્તારમાં આવેલી સી.એલ.વિદ્યાલયના ટ્રસ્ટી કોંગ્રેસના નેતા કિશનસિંહ તોમર છે અને તેમની જ શાળામાં તેમની દીકરી શિક્ષક તરીકે ૨૦૧૩થી નોકરી કરી રહ્યા હતા. માધુરી જે-તે સમયે લખનઉ યુનિવર્સિટી ડિગ્રી દ્વારા નોકરી મેળવી હતી અને આ ડિગ્રી અંગેનું સર્ટીફીકેટ માધુરીના પતિ વિજય પ્રતાપે વેરીફાઈ કરાવ્યું હતું.
નોકરીમાં માધુરીને ૫ વર્ષ પુરા થતાં, જયારે તેને કાયમી કરવાની કાર્યવાહી કરવામાં આવી ત્યારે ડિગ્રી નકલી હોવાનું સામે આવ્યું હતું અને આ ડિગ્રીમાં જે સીટ નંબર છે, તે કોઈ અન્ય યુવતીનો હોવાનું જાણવા મળ્યું હતું. આ અંગે સી.એલ.વિદ્યાલયે માધુરી અને તેના પતિ વિરુદ્ધ ફરિયાદ નોંધાવી છે.
