અમદાવાદ શહેરમાં દુષ્કર્મના બનાવોમાં (Incident of rape in Ahmedabad) વધારો થઇ રહ્યો છે. યુવાનો લગ્નની લાલચ આપીને યુવતી સાથે પોતાની મરજીનું કરાવી અને તરછોડી મૂકે છે.પરંતુ સમાજમાં એ વાત ધણી વખત બહાર પણ નથી આવતી. પણ જ્યારે મામલો પોલીસ સ્ટેશન સુધી પહોંચે છે ત્યારે સમગ્ર કેસની વિગત સામે આવે છે. આવો જ એક કિસ્સો મહાનગર અમદાવાદમાંથી સામે આવ્યો છે. દુષ્કર્મનું દુષણ ડામવા પોલીસના પ્રયાસો સામે પણ ક્યારેય પ્રશ્નો ઊભા થાય છે.
LSD: જેમાં લવ,સેક્સ ઔર ધોખાની જેમ બનાવ બન્યો છે. સગીરાને લગ્નની લાલચ આપી યુવકે (Ahmedabad Narol Rap incident) દુષ્કર્મ કર્યાનું સામે આવ્યું છે. અને બાદમાં તરછોડી દેવામાં આવી હતી. અમદાવાદના નારોલમાં એક નરાધમે સગીરાને પ્રેમજાળમાં ફસાવી હોટેલમાં લઈ જઈ દુષ્કર્મ ગુજારી તેને દગો આપતા સગીરાએ આપઘાત કર્યો હોવાની ઘટના બની છે. જે મામલે પોલીસે આરોપી સામે ગુનો નોંધી આરોપીને પકડવા તપાસ શરૂ કરી છે.
આ પણ વાંચો નવ વર્ષની સગીરા પર દુષ્કર્મ, આરોપીને પીછો કરીને પકડયો
હોટલમાં લઇ ગયો અમદાવાદના સારંગપુર વિસ્તારમાં રહેતા કૈલાશ ઉર્ફે કિશુ પ્રજાપત સાથે સગીરાને મિત્રતા થઈ હતી. આરોપીએ 17 વર્ષીય સગીરાને પોતાના પ્રેમ જાળમાં ફસાવી લગ્ન કરવાની લાલચ આપી તારીખ 20 ઓગસ્ટ 2022 ના રોજ આશ્રમ રોડ પરની હોટલ લઈ ગયો હતો. અને તેની સાથે બળજબરીથી સબંધ બાંધ્યા હતા.
લગ્ન કરવાની ના જે બાદ આરોપીએ સગીરા સાથે લગ્ન કરવાની ના પાડતા તે ડિપ્રેશનમાં આવી જતા ઉપર તારીખ 12 ડિસેમ્બર 2022 ના રોજ આત્મહત્યા કરી હતી. આ મામલે પરિવારે નારોલ પોલીસ મથકે આરોપી સામે પોકસો, અપહરણ અને દુષ્કર્મ અને આત્મહત્યા દુષપ્રેરણની કલમો હેઠળ ફરિયાદ નોંધાવતા પોલીસે ગુનો દાખલ કર્યો છે. અને આરોપીને પકડવાની તજવીજ શરૂ કરી છે.
ટીમો કામે લગાડી આ અંગે નારોલ પોલીસ સ્ટેશનના(Narol Police Station) પીઆઈ આર.એમ ઝાલાએ etv ભારત સાથેની ટેલિફોનિક વાતચીતમાં જણાવ્યું હતું કે આ અંગે ફરિયાદ લઈને આરોપીને પકડવા માટે ટીમો કામે લગાડી છે. જલ્દી જ આરોપી પોલીસની ગિરફતમાં આવી જશે.
