અમદાવાદઃ AMTS બસ ખાડામાં ખાબકી, 4 લોકો ઇજાગ્રસ્ત

અમદાવાદ શહેરના વૈષ્ણોદેવી સર્કલ પાસે અચાનક AMTS બસની બ્રેક ફેઇલ થઇ જતાં ડ્રાઇવરે સ્ટિયરીંગ પરથી કાબૂ ગુમાવ્યો હતો. જેના કારણે બસ એક ખાડામાં ખાબકી હતી.

અમદાવાદ : શહેરમાં ગુરુવારે મોટી દૂર્ઘટના સર્જાતા અટકી ગઇ છે. શહેરમાં સામાન્ય વરસાદે તંત્રની પોલ ખોલી છે. જેમાં શહેરના રસ્તાઓના હાલ એટલા બિસ્માર બન્યા છે કે, વાહન ચાલકોને પણ જીવના જોખમે વાહન હંકારી રહ્યા છે. ત્યારે આ મામલે શહેરમાંથી ચોંકાવનારી એક ઘટના બની છે. જેમાં અમદાવાદના વૈષ્ણોદેવી સર્કલ પાસે AMTS બસ ખાડામાં ખાબકી હતી.

AMTS બસ ખાડામાં ખાબકી

વૈષ્ણોદેવી સર્કલ પાસે અચાનક AMTS બસની બ્રેક ફેઇલ જતાં ડ્રાઇવરે સ્ટિયરીંગ પરથી કાબૂ ગુમાવતા બસ ખાડામાં ખાબકી હતી. બસ ખાડામાં ખાબકતા પ્રવાસીઓના જીવ પડીકે બંધાયા હતા. જેમાં ચાર લોકોને ઈજા પહોંચી હતી. તે તમામ લોકોને સોલા સિવિલમાં હોસ્પિટલમાં સારવાર અર્થે ખસેડવામાં આવ્યા છે. AMTSની રૂટ નંબર 501ના ઉજાલા સર્કલથી વૈષ્ણોદેવી રૂટની બસની બ્રેક ફેલ થઇ હતી.