અમદાવાદ: ચોટીલા ચામુંડા માતા મંદિર ઉપર રોપ વે બનાવવા મુદ્દે સરકાર દ્વારા કોન્ટ્રાક્ટ આપવામાં આવ્યો હતો. જેમાં હવે વિગત એ સામે આવી છે કે, કોઈ પ્રકારની ટેન્ડર પ્રક્રિયા વગર આ કામ આપી દેવાયું છે. ચામુંડા માતા મંદિર ટ્રસ્ટએ વિરોધ કર્યો હતો. હાઇકોર્ટે ચુકાદો અનામત રાખ્યો છે.પણ હવે આ કેસમાં કોર્ટે પોતાનું વલણ સ્પષ્ટ કરી શકે છે. જોકે આ કેસમાં મામલો કોર્ટમાંથી સ્પષ્ટ થયા બાદ રોપ વેનું કામ આગળ વધે એવી આશા રાખવામાં આવી રહી છે.
હાઇકોર્ટમાં સુનાવણી: પ્રસિદ્ધ યાત્રાધામ ચોટીલા ચામુંડા માતા મંદિર પર રોવે ના કોન્ટ્રાક્ટ મુદ્દે છેલ્લા ઘણા સમયથી ગુજરાત હાઇકોર્ટમાં સુનાવણી ચાલી રહી છે. આ મુદ્દે ગુજરાત હાઇકોર્ટમાં વધુ સુનાવણી હાથ ધરવામાં આવી હતી. જ્યાં ચોટીલા પર રોપ વે બનાવવા માટે સરકાર દ્વારા જેને કોન્ટ્રાક્ટ આપવામાં આવ્યો છે. તેને ચામુંડા માતા મંદિર ટ્રસ્ટ દ્વારા ગેર વ્યાજબી ગણાવ્યો હતો. તેના વિરુદ્ધ હાઇકોર્ટમાં અરજી દાખલ કરવામાં આવી હતી.ચોટીલા ચામુંડા માતા મંદિર પર રોપ વે બનાવવાના કોન્ટ્રાક્ટ મુદ્દે હાઇકોર્ટમાં થયેલી અરજી પર તમામ પક્ષની દલીલો પૂર્ણ થઈ છે. તમામ પક્ષોની દલીલો સાંભળ્યા બાદ હાઇકોર્ટે ચુકાદો અનામત રાખ્યો છે. હાઇકોર્ટ આગામી સમયમાં આ મુદ્દે પોતાનો ચુકાદો જાહેર કરશે.
બ્રિજ જેવી દુર્ઘટના: આ સમગ્ર મામલે સરકાર તરફથી ફરી એકવાર એ જ વાત રજૂ કરવામાં આવી હતી કે, દરેક કોન્ટ્રાક્ટ ટેન્ડર બહાર પાડીને જ આપી શકાય એવો કોઈ નિયમ નથી. એવા કોઈ કાયદા કે નિયમ પણ લાગુ પડતા નથી કે ટેન્ડર પ્રક્રિયા થકી જ કોન્ટ્રાક્ટ આપી શકાય છે. સરકારની જરૂરી લાગે તેવા કિસ્સાઓમાં ટેન્ડર વગર પણ કોન્ટ્રાક્ટ આપી શકાય છે. જોકે ચામુંડા માતાજી ડુંગર ટ્રસ્ટ દ્વારા એ જ વાત રજૂ કરવામાં આવી હતી કે ગમે તેને કોન્ટ્રાક્ટ આપી દેવાથી રોપવેની ટેકનોલોજીમાં અને યાત્રિકોના જીવનું જોખમ ઊભું થઈ શકે છે. સરકાર જો ગમે તેને કોન્ટ્રાક્ટ આપી શકે છે તો તેમાં મોરબી બ્રિજ જેવી દુર્ઘટના થવાની તમામ શક્યતાઓ સેવાઈ રહી છે.
શું છે સમગ્ર કેસ?: આ સમગ્ર કેસની વિગતો જોઈએ તો ચોટીલા ચામુંડા માતા મંદિર ઉપર ઋગ્વેસ બનાવવા મુદ્દે સરકાર દ્વારા કોન્ટ્રાક્ટ આપવામાં આવ્યો હતો. જોકે સરકારે આ કોન્ટ્રાક્ટ કોઈપણ જાતની ટેન્ડર પ્રક્રિયા વિના આપી દેતા ચામુંડા માતા મંદિર ટ્રસ્ટ દ્વારા આનો વિરોધ નોંધાવવામાં આવ્યો હતો. કોન્ટ્રાક્ટ યોગ્ય ટેન્ડર બહાર પાડીને જે રીતે અપાતો હોય એવી રીતે આપવામાં આવે એવી માંગ કરી હતી. જો કે તેમની આ માગણી સ્વીકારવામાં ન આવતા આ સમગ્ર મામલો હાઇકોર્ટ સમક્ષ પહોંચ્યો હતો. હાઇકોર્ટમાં આની વિરુદ્ધ અરજી દાખલ કરવામાં આવી હતી.
આ પણ વાંચો Gujarat High Court: હાઇકોર્ટમાં કુલ જજની સંખ્યા 31 થઈ, મળ્યા બે નવા જજ
અમારો વિરોધ નથી: રોપ - વે બનાવવા માટે થઈને અરજદારે સ્પષ્ટ રીતે કહ્યું હતું કે, અમને રોપ વે બનાવવા પાછળ કોઈ જ અમારો વિરોધ નથી .પરંતુ આ રોપવે કોઈ પણ કોન્ટ્રાક્ટ વગર જે તે વ્યક્તિને આપી શકાય નહીં. તેથી ટેન્ડર પ્રક્રિયા કરીને યોગ્ય વ્યક્તિને કોન્ટ્રાક્ટ આપવામાં આવે. મહત્વનું છે કે આ સમગ્ર મામલે હાઇકોર્ટે માં થયેલી આ અરજી પર કોર્ટે તમામ પક્ષની દલીલો પૂર્ણ થઈ છે. હાઇકોર્ટે ચુકાદો અનામત રાખ્યો છે. આગામી સમયમાં આ મુદ્દે હાઇકોર્ટ મહત્વનો ચુકાદો આપી શકે છે.
