અમદાવાદઃ ગુજરાત શિક્ષણ બોર્ડ તરફથી પહેલી વખત સાયન્સની પરીક્ષાનું આટલું વહેલું પરિણામ જાહેર થનાર છે. મે મહિનાની શરૂઆતમાં જ પરિણામ જાહેર કરવાનું એલાન થયું છે. જેની સીધી અસર આગામી મહિનાથી શરૂ થનારા નવા શૈક્ષણિક સત્ર પર થવાની છે. મેડિકલમાં પ્રવેશ માટેની મુખ્ય પરીક્ષા એવી નીટ હજું લેવાની બાકી છે. અત્યાર સુધી નીટની પરીક્ષા બાદ પરિણામ જાહેર થતું હતું. જ્યારે કોરોનાકાળ હતો એ સમયે એક લાંબા સમય બાદ નીટની પરીક્ષા લેવામાં આવી હતી. તારીખ 7 મેના રોજ નીટની પરીક્ષા લેવામાં આવશે.
આ પણ વાંચોઃ Gujarat High Court : હિરણ નદીના પ્રદૂષણના મામલે સોગંદનામાં થયો ખુલાસો,
ગુજરાતમાંથી વિદ્યાર્થીઓઃ નીટની આગામી પરીક્ષામાં ગુજરાત રાજ્યમાંથી કુલ 80 હજારથી વધારે વિદ્યાર્થીઓ પરીક્ષામાં ઉત્તર આપશે. વાલીઓમાં એક એવી ચિંતા હતી કે, નીટ પહેલા બોર્ડનું પરિણામ હોવાથી માર્ક ઓછા આવશે કે નાપાસનું પરિણામ આવશે તો વિદ્યાર્થીઓની માનસિકતાને મોટો ફટકો પડશે, નીટની પરીક્ષા વખતે પણ પરેશાની થશે. પણ હવે ધો. 12 સાયન્સનું પરિણામ બપોરે 12 વાગ્યે જાહેર થશે. જ્યારે સવારે 9 વાગ્યે ગુજકેટની પરીક્ષાનું પરિણામ જાહેર કરવામાં આવશે. અત્યારે માત્ર પરિણામ જાહેર થશે. માર્કશીટનું અત્યારે કોઈ પ્રકારે વિતરણ નહીં કરવામાં આવે.
પ્રવેશ પ્રક્રિયાઃ પરિણામ જાહેર થયા બાદ વાલીઓ તથા વિદ્યાર્થીઓ રાજ્યની સારી એવી કૉલેજ બાજુ મીટ માંડશે. ખાસ કરીને એન્જિનીયરિંગ કરનારા વિદ્યાર્થીઓનું રજીસ્ટ્રેશન શરૂ થશે. એ પછી આગળના એડમિશનની પ્રક્રિયા શરૂ થશે. આ પરિણામ આવ્યા બાદ નાના સેન્ટરમાંથી વાલીઓ તથા વિદ્યાર્થીઓ મહાનગર બાજું દોટ લગાવશે. ફરી એકવખત વડોદરા, અમદાવાદ, વલ્લભ વિદ્યાનગર તેમજ રાજકોટ તરફ વિદ્યાર્થીઓનો ધસારો જોવા મળશે.
આ પણ વાંચોઃ Unseasonal Rain : સૌરાષ્ટ્ર પંથકમાં મેઘરાજાની સવારીથી વાતાવરણ ઠંડુ, પરંતુ ખેડૂતોને ભીતિ
રીપોટકાર્ડ આવશેઃ ખાસ કરીને એન્જિનીયરિંગની સીટ માટે આ વખતે બરોબરની ખેંચતાણ થાય એવા એંધાણ છે. આ સાથે વાલીઓ તથા વિદ્યાર્થીઓનું મિશન એડમિશન શરૂ થશે. ધો. 12 સાયન્સની પરીક્ષામાં ગ્રૂપ એ, બી અને એબી ગ્રૂપના એમ કુલ મળીને 1.10 લાખ મુખ્ય વિદ્યાર્થીઓ અને 16000 જેટલા રીપિટર્સ વિદ્યાર્થીઓના ભવિષ્યનું રીપોટકાર્ડ આજે જાહેર થશે. 1.26 લાખ વિદ્યાર્થીઓએ ગુજકેટની પરીક્ષા આપી હતી.
