મોરબી ઝુલતા પુલની દુર્ઘટનામાં (morbi bridge collapse) મૃત્યુઆંક 141એ પહોંચ્યા છે. અને હજુ 2 વ્યક્તિ લાપત્તા છે અને હજુ પણ આ આંકડાઓ વધી શકે છે. ગઈકાલે સાંજના આ દુર્ઘટના ઘટી હતી અને મચ્છુ નદીનો (Machchhu River Morbi) કાંઠો મૃતકના પરિવારજનોના આક્રંદ સાથે ગુંજી ઉઠ્યો હતો. ત્યારે આજે મોરબી કલેક્ટર કચેરી ખાતે મુખ્યપ્રધાન ભૂપેન્દ્ર પટેલ, ગૃહપ્રધાન હર્ષ સંઘવી, રવિંદ રૈયાણી, બ્રિજેશ મેરજા, દેવા માલમ, ઋષિકેશ પટેલ, મોહન કુંડારીયા સહિતના રાજકીય નેતાઓ અને ઉચ્ચ અધિકારીઓની બેઠક શરૂ થઈ છે. ત્યારે આ ઘટનાને 24 કલાક થયા પહેલા સરકાર મૃતકો અને ઈજાગ્રસ્તોના ખાતામાં સહાયની રકમ જમા (Assistance in accounts of the dead) કરી દેશે. આવું ઈતિહાસમાં પહેલીવાર બની રહ્યું છે.
સહાયની રકમ જમા- આજે મોટાભાગના મૃતકના પરિવારજનોના ખાતામાં સરકારે જાહેર કરેલી સહાયની રકમ જમા કરવામાં આવશે. આજની બેઠકમાં આર એન્ડ બીના સંદિપ વસાવા, IAS રાજકુમાર બેનીવાલ, IPS સુભાષ ત્રિવેદી, મુખ્ય ઇજનેર કે.એમ. પટેલ. ડો. ગોપાલ ટાંક સહિતના અધિકારીઓ હાજર રહ્યા છે. નોંધનીય છે કે મોરબી કલેક્ટર કચેરીમાં ડ્રિપ ટ્રેકર મશીન મંગાવવા આવ્યું છે. . અતિ આધુનિક સિસ્ટમથી આ મશીન બનાવવામાં આવ્યું. જેના માધ્ય્મથી નદીના ઊંડા પાણી કે કાદવમાંથી આ મશીન મૃતદેહ શોધી કાઢશે. અધિકારીઓએ મશીન વિશે માહિતી મેળવી.
સ્મશાન હિબકે ચડ્યું મોરબીની ઘટનાને લઈને અત્યાર સુધી (morbi bridge collapse) અંદાજે 15 મૃતકોની અંતિમવિધિ કરવામાં આવી છે. ત્યારે આ ઘટનાને લઈને પરિવારો તરફ તંત્ર સામે (Death in Morbi) આક્રોશ દાખવી રહ્યા છે. અને દોષિતોને કડકમાં સજા થાય તેવી સરકાર પાસે માંગ કરી હતી. (machhu river rescue operation)
લોકોમાં આક્રોશ મોરબીની ઘટનાને લઈને લોકોમાં રોષ જોવા મળી રહ્યો છે. કોઇએ પોતાના એકના એક દિકરાને ગુમાવ્યો તો કોઇએ તેમના માં-બાપ અને કોઇ તેમના ફુલકા જેવા બાળકોને ગુમાવ્યા છે.તંત્ર જાણે અત્યાર સુધી ઉંધમાં હતું અને હવે એકાએક ઉઠી ગયું હોય તેવું જોવા મળી રહ્યું છે.
