સુત્રો દ્વારા મળતી માહિતી મુજબ ગુજરાત ક્રિકેટ એસોસિએશનના પ્રમુખ પદ માટેની જાહેરાત આગામી 10 દિવસમાં કરવામાં આવશે. ઉલ્લેખનીય છે કે, શનિવારે યોજાયેલી ચૂંટણીમાં ગુજરાત ક્રિકેટ એસોસિએશનના પ્રમુખ સિવાય અન્ય પદ માટે નામની જાહેરાત કરવામાં આવી છે. જ્યારે પ્રમુખ પદ માટેના નામની જાહેરાત બે સપ્તાહ બાદ કરાઇ તેવું જણાવવામાં આવી રહ્યું છે.
ગુજરાત ક્રિકેટ એસોસિએશનના ઉપ પ્રમુખ તરીકે ધનરાજ નથવાણીની વરણી
કેન્દ્રીય ગૃહપ્રધાન અમિત શાહ પણ ઘણા લાંબા સમય સુધી ગુજરાત ક્રિકેટ એસોસિએશનના પ્રમુખ તરીકે કાર્યરત રહ્યા હતાં. આ સિવાય સેક્રેટરી તરીકે અશોક બ્રહ્મભટ્ટ, જોઇન્ટ સેક્રેટરી તરીકે અનિલ પટેલ અને ટ્રેઝરર તરીકે બરત ઝવેરીની પસંદગી કરવામાં આવી છે. આ ચૂંટણી લોઢા પંચના નીતિ-નિયમ મુજબ કરવામાં આવી હતી. આ અગાઉ ગુજરાત ક્રિકેટ એસોસિએશનના પ્રમુખ તરીકે અમિત શાહ અને પરિમલ નથવાણી રહી ચૂક્યા છે.
