જ્યારે નાગરિકોના વાહનોમાં PUC, નંબર પ્લેટ કે મિરર ન હોય તો પણ પોલીસ મેમો આપતી હોય છે. ત્યારે આ કોન્ટ્રાક્ટરોની સાઠ ગાંઠ અથવા તો તેમના સંબંધો કેટલા ઉપર સુધી હોઈ શકે છે, કે તેઓ ખુલ્લેઆમ બેરોકટોક નારોલ અને વિશાલા બંને બાજુથી પોલીસ સ્ટેશનની સામેથી જ નીકળે છે અને દાણીલીમડા પોલીસ સ્ટેશનથી વળી જાય છે માટે ચારે બાજુ પોલીસ સ્ટેશનની વચ્ચેથી જ પસાર થતા હોવા છતાં તેમને ક્યારે કોઈ મેમો આપવામાં આવતો નથી.
શું ડંપિગ વાહનોમાં નંબર પ્લેટની જરૂર નથી? કાયદો તો બધાને લાગુ પડે જ ને...!
કચરો ભરવા માટેની ટકો,ટ્રેક્ટર ઉપરાંત ડસ્ટ લેવા માટેની મોટી ગાડીઓ તથા ક્રેનોમાં અને જેસીબી મશીનોમાં પણ પાછળ નંબર પ્લેટ હોતી નથી. ત્યારે સવાલ એ છે કે, જ્યારે આવા વાહનો અકસ્માત કરીને બેફામ ભાગી જઈ શકે છે, ત્યારે CCTV હોવા છતાં પણ નંબર પ્લેટ ન હોવાથી કઈ કરી શકતું નથી. ત્યારે અમદાવાદની જનતા ભગવાનના ભરોસે જીવે છે એમ કહી શકાય.
