બોલિવૂડમાં હિટ ફિલ્મો કરનારી અભિનેત્રી ડેઇઝી શાહ હવે ગુજરાતી ફિલ્મ 'ગુજરાત 11'માં દેખાશે. આ પહેલી સ્પોટર્સ ફિલ્મ છે, જેમાં ડેઇઝી લીડ રોલમાં જોવા મળશે. જેમાં તે એક ફૂટબોલ કોચ તરીકેની ભૂમિકા નિભાવશે. ડેઇઝી છેલ્લા 2 મહિનાથી રોજ સવારે 2 કલાક ફૂટબોલ પ્રેક્ટિસ કરતી હતી. ડેઇઝીએ ગુજરાતી ફિલ્મો તરફ વળવાનું કારણ જણાવતા કહ્યું કે, તેને આ ફિલ્મની સ્કીપ્ટ સારી લાગી અને તે પોતે પણ મૂળ ગુજરાતી છે.
ગુજરાતી સ્પોર્ટ્સ ફિલ્મ 'ગુજરાત 11' માં જોવા મળશે ડેઇઝી શાહ
આ અંગે ફિલ્મ ડાયરેક્ટર જયંત ગિલટરે જણાવ્યું હતું કે, આ ફિલ્મ ગુજરાતની સૌથી મોંઘી ફિલ્મ છે. જેમાં સૌથી વધુ ખર્ચો થયો છે. આ ફિલ્મમાં લોકોને ખૂબ જ સારો સંદેશો પણ મળશે. આ ફિલ્મમાં ગુનાહિત પ્રવૃત્તિઓ સાથે જોડાયેલા લોકોને બીજી તક આપવામાં આવે છે તેની પર આધારીત છે. હાલની પરિસ્થતિમાં કોઈને તક મળતી નથી. તેમજ સમાજને સકારાત્મક સંદેશો પણ આ ફિલ્મ દ્વારા મળશે.
