- રાજ્યમાં કોરોના વાઈરસના કેસોમાં થઈ રહ્યો છે ઘટાડો
- આજે રાજ્યમાં કુલ 990 કેસો નોંધાયા પોઝિટિવ
- ગુજરાતમાં કોરોના વાઈરસના કુલ કેસોની સંખ્યા વધીને પહોંચી 2,39,195
અમગાવાદ : ગુજરાતમાં કોરોના મહામારીની સ્થિતિ ચિંતાજનક સ્તરે પહોંચ્યા બાદ હવે કોરોનાના કેસોની સંખ્યામાં છેલ્લાં કેટલાક દિવસોથી સતત ઘટાડો થઇ રહ્યો છે, જે એક રાહતના સમાચાર છે. છેલ્લા કેટલાક દિવસોથી કોરોનાના 1000થી પણ ઓછા કેસ સામે આવી રહ્યા છે.
1181 લોકોએ છેલ્લા 24 કલાકમાં કોરોનાને માત આપી
છેલ્લા 24 કલાકમાં કોરોના વાઈરસના કુલ 990 પોઝિટિવ કેસ નોંધાયા છે. ગુજરાતમાં કોરોના વાઈરસના કુલ કેસોની સંખ્યા વધીને 2,39,195એ પહોંચી છે. જ્યારે રાજ્યમાં વધુ 8 દર્દીઓએ દમ તોડતા ગુજરાતમાં કુલ મૃત્યુઆંક વધીને 4262એ પહોંચ્યો છે. જ્યારે 1181 લોકોએ છેલ્લા 24 કલાકમાં કોરોનાને માત આપી છે. જોકે, ગુજરાતમાં સાજા થવાનો દર ધીરે ધીરે વધી રહ્યો છે અને તે 93.69 ટકાએ પહોંચ્યો છે. આજે રાજ્યમાં 55698 ટેસ્ટ કરવામાં આવ્યા છે.
છેલ્લા 24 કલાકમાં રાજ્યમાં કોરોના વાઈરસના નોંધાયેલા કેસો
કોરોના વાઈરસના રાજ્યમાં અમદાવાદ કોર્પોરેશન 197, સુરત કોર્પોરેશન 126, વડોદરા કોર્પોરેશન 93, રાજકોટ કોર્પોરેશન 87, મહેસાણા 36, વડોદરા 32, ખેડા 17, સુરત 45, રાજકોટ 20, પંચમહાલ 20, દાહોદ 28, ગાંધીનગર 15, જામનગર કોર્પોરેશન 10, ગાંધીનગર કોર્પોરેશન 15, બનાસકાંઠા 18, ભાવનગર કોર્પોરેશન 18, કચ્છ 31, મહીસાગર 10, અમરેલી 07, ભરૂચ 19, જામનગર 06, સાબરકાંઠા 10, સુરેન્દ્રનગર 19, આણંદ 22, મોરબી 07, નર્મદા 03, પાટણ 15, અમદાવાદ 08, જૂનાગઢ કોર્પોરેશન 09, ગીર સોમનાથ 05, જૂનાગઢ 07, અરવલ્લી 05, વલસાડ 03, બોટાદ 02, દેવભૂમિ દ્વારકા 03, નવસારી 08, ભાવનગર 05, છોટા ઉદેપુર 05, તાપી 03, પોરબાંદર 01 કેસ સામે આવ્યા છે.
કોરોના વાઈરસથી કેટલા લોકોના થયા મૃત્યુ ?
કોરોનાની વૈશ્વિક મહામારીથી થતા મૃત્યુમાં સતત ઘટાડો નોંધાઇ રહ્યો છે. છેલ્લા 24 કલાકમાં સારવાર હેઠળના કુલ 8 દર્દીઓના મોત થયા છે. જેમા સૌથી વધુ અમદાવાદ કોર્પોરેશનમાં 3, બનાસકાંઠામાં 01, ગાંધીનગર 01, અને સુરતમાં 01 લોકોને કોરોના ભરખી ગયો છે. જ્યારે સુરત અને વડોદરા કોર્પોરેશનમાં 1- 1 વ્યક્તિએ દમ તોડયો હતો. આમ આજે વિતેલા 24 કલાકમાં કુલ 8 લોકોના મોત નિપજ્યા છે. ગુજરાતમાં કુલ મૃત્યુઆંક વધીને 4262એ પહોંચ્યો છે.
