અમદાવાદ: રાજ્ય ગ્રાહક તકરાર નિવારણ પંચ દ્વારા આપવામાં આવેલા ચુકાદામાં જણાવવામાં આવ્યું હતું કે, મહિલાને અસહ્ય પીડા થતાં તેણે અન્ય ડોકટરે પાસે કરાવેલા ટેસ્ટ, સોનોગ્રાફીથી સ્પષ્ટ થાય છે કે સૌરભ હોસ્પિટલના ડૉ. મીના વાંકાવાલા દ્વારા બેદરકારીને લીધે મહિલાના પેટમાં કાપડનો ટુકડો રહી ગયો હતો. કાપડના ટુકડાના કારણે મહિલાને પેટમાં પીડા થતી હતી અને જન્મેલા બાળકને પણ સમસ્યાઓનો સામનો કરવો પડ્યો હતો.
ગ્રાહક કોર્ટ દ્વારા ઓપરેશન બાદ પેટમાં કાપડનો ટુકડો ભૂલી જનાર ડોકટરને 6.85 લાખનો દંડ અરજદાર મહિલા દ્વારા ડૉ. મીના , તેમના હોસ્પિટલ અને વીમા કંપનીને વળતર માટે 14મી જુલાઈ 2012ના રોજ લીગલ નોટિસ પાઠવી હતી. અરજદાર દ્વારા ડૉક્ટર પાસેથી તેમને થયેલી પીડા બદલ 81.77 લાખ અને માનસિક પીડાને લીધે 15 લાખ રૂપિયા વળતરની માગ કરી હતી. જો કે કન્ઝ્યુમર કોર્ટે આરોપી ડકટર અને તેને કવર કરતી વીમા કંપનીને કુલ 6.85 લાખ ચૂકવવાનો આદેશ કર્યો હતો. 6.50 લાખ રૂપિયા મહિલાને થયેલી પીડા માટે અને 25 હજાર તેને થયેલી માનસિક પીડા માટે જ્યારે રૂપિયા 10 હજાર મેડિકલ ખર્ચના ભાગરૂપે ચૂકવવાનો આદેશ કર્યો હતો. એટલું જ નહિ કોર્ટે દંડની રકમના વાર્ષિક 18 ટકા લેખે અરજી દાખલ થઈ ત્યારથી હાલ સુધીમાં પણ રકમ ચૂકવવાનો આદેશ કર્યો હતો.આ સમગ્ર કેસની વિગત એવી છે કે, સુરતની સૌરભ હોસ્પિટલમાં ડિલિવરી માટે મહિલાને દાખલ કરવામાં આવી હતી. જ્યાં 14મી ફેબ્રુઆરીના રોજ મહિલાને અસહ્ય પીડાની ફરિયાદ કરી હતી. બીજા દિવસે તેણે છોકરાને જન્મ આપ્યો હતો. અને 20મી ફેબ્રુઆરીના રોજ તેને હોસ્પિટલમાંથી રજા આપી દેવામાં આવી હતી. જો કે તેને વારંવાર પેટમાં દુખતા અન્ય હોસ્પિટલ ખાતે સારવાર માટે જવું પડતું હતું. 14મી મેના રોજ સુરત એડવેન્ટિસ્ટ હોસ્પિટલમાં પેટમાં દુખાવાનું કારણ જાણવા સોનોગ્રાફી અને અન્ય ટેસ્ટ કરાતા મહિલાના પેટમાં ઓપરેશન દરમિયાન કાપડનો ટુકડો રહી ગયો હોય તેવું સામે આવ્યું હતું. જેથી અરજદાર મહિલાએ 14મી જુલાઈના 2012ના રોજ ડોકટર, તેના હોસ્પિટલ અને તેમને કવર કરતી વીમા કંપનીને લીગલ નોટિસ ફટકારી હતી.
