અમદાવાદમાં અઢી વર્ષના બાળકનું ટ્રક નીચે આવતા મૃત્યુ

અમદાવાદઃ જુહાપુરા પાસે રોયલ અખબાર ટાવર નજીક ફૂલ જેવા બાળકનું શનિવારના રોજ ટ્રકનું પૈડું ફરી વળતા બાળકનું મૃત્યુ નીપજ્યું હતું. જેને પગલે ઉશ્કેરાઈને સ્થાનિકોએ તોડફોડ કરીને રસ્તા ચક્કાજામ કર્યા હતા. જો કે બનાવની જાણ થતાં પોલીસે સમગ્ર મામલો થાળે પાડ્યો હતો.

શહેરના જુહાપુરા વિસ્તારમાંથી એક દંપતી એક્ટિવા પર બાળકને લઇને જઇ રહ્યા હતા. ત્યારે અચાનક બાળક તેની માતાના હાથમાંથી રોડ પર પડી જતા પાછળથી આવતો ટ્રક બાળક પર ફરી વળ્યો હતો અને ઘટના સ્થળે જ બાળકનું મૃત્યું થયું હતું. જેને પગલે સ્થાનિક પોલીસ સહિત ઉચ્ચ અધિકારીઓ ઘટના સ્થળે પહોંચ્યા હતા અને મામલો થાળે પાડ્યો હતો.