અમદાવાદમાં ગીતા મંદિર એસ.ટી. બસ સ્ટેન્ડ પાસે ટ્રાફિક પોલીસનું બૂથ છે, જ્યાં સવારના દસ વાગ્યાના સમયે પોલીસે યુસુફ પઠાણ નામના રીક્ષા ચાલક પાસે લાયસન્સ અને રિક્ષાના કાગળ માંગ્યા હતાં. પરંતુ, રિક્ષાચાલક પાસે લાયસન્સ અને રીક્ષાના કાગળ નહોતા તથા ફેન્સી નંબર પ્લેટ હોવાના કારણે પોલીસ દ્વારા રિક્ષાચાલકને ડિટેઇન મેમો આપવામાં આવ્યો હતો અને નજીકના પોલીસ સ્ટેશનથી દંડ ભરી રીક્ષા છોડાવવા કહ્યું હતું.
અમદાવાદમાં મેમો ફાડતા રીક્ષા ચાલકે વિફર્યો, ટ્રાફિક બૂથ સળગાવવાનો કર્યો પ્રયત્ન જે તે સમયે રીક્ષા ચાલક યુસુફ ચાલ્યો ગયો હતો. પરંતુ, તેને મેમો આપવાનો રોષ હોવાથી બદલો લેવા માટે તે બપોરના સમયે બૂથ પર એક્ટિવા પર અન્ય વ્યક્તિ સાથે પહોંચ્યો હતો. આ સમયે સમયે બૂથમાં TRB જવાન પાણી પી રહ્યો હતો, ત્યારે યુસુફે ટ્રાફિક બૂથના કાચ પર પથ્થર મારી કાચ તોડી નાખ્યો હતો અને બૂથ પરના બેનર પર પેટ્રોલ નાખી બૂથ સળગાવવાનો પ્રયાસ કર્યો હતો.સદનસીબે TRB જવાનની નજર જતા તેઓ બહાર આવ્યા હતા અને બેનર લાગેલી વધુ પ્રસરે તે પહેલાં બુઝાવી દીધી હતી. બેનર સળગાવીને તરત જ યુસુફ એક્ટિવા પર આવેલા અન્ય શખ્સ સાથે ફરાર થઈ ગયો હતો. ઘટનાની જાણ થતાં ટ્રાફિક પોલીસના ઉચ્ચ અધિકારીઓ પણ બૂથ પર પહોંચ્યા હતાં. આ મામલે કાગડાપીઠ પોલીસ સ્ટેશનમાં રિક્ષાચાલક યુસુફ વિરુદ્ધ ફરિયાદ પણ નોંધાવવામાં આવી છે. કાગડાપીઠ પોલીસે આ મામલે ફરિયાદના આધારે રિક્ષાચાલક યુસફની શોધખોળ હાથ ધરી છે.
