અમદાવાદ : અમદાવાદને વર્લ્ડ હેરિટેજ સીટી તરીકે ઓળખવામાં આવે છે. શહેરમાં અનેક ફરવા લાયક સ્થળો છે, જે બહારથી આવતા લોકો માટે આકર્ષણનું કેન્દ્ર છે. સાબરમતી રિવરફ્રન્ટ પર તૈયાર કરવામાં આવેલ અટલબિજ, સાબરમતીમાં નદીમાં ચાલતી ક્રુઝ, હેલિકોપ્ટર રાઇડ, કાંકરિયા તળાવ, નગીના વાડી જેવા વિવિધ સ્થળો ફરવા લાયક છે. ત્યારે અમદાવાદ મ્યુનિસિપલ કોર્પોરેશન દ્વારા વધુ એક નવું નજરાણું તૈયાર કરવામાં આવશે.
અમદાવાદ શહેરમાં લોકોને વધુ એક નવું નજરાણું આગામી સમયમાં પ્રાપ્ત થશે. સાબરમતી નદીના પટમાં ગ્યાસપૂર પાસે 500 એકરમાં જંગલ સફારી બનાવવામાં આવશે. જેથી અમદાવાદ શહેરમાં આવતા પર્યટકો માટે વધુ એક ફરવા લાયકનું સ્થળ થશે. - હિતેશ બારોટ, સ્ટેન્ડિંગ કમિટી ચેરમેન
500 એકરમાં તૈયાર કરાશે : સાબરમતી નદીના પટ પર ગ્યાસપુર ગામની બાજુમાં જ વિશાળ જંગલ સફારી પાર્ક શરૂ કરવાની કોર્પોરેશનએ યોજના બનાવી છે. અમદાવાદ મ્યુનિસિપલ કોર્પોરેશન વિગતવાર પ્રોજેક્ટનો રિપોર્ટ તૈયાર કરીને કન્ટલ્ટ નિમાવવાની પ્રક્રિયા હાથ કરી છે. આ સફારી પાર્ક તૈયાર થશે, જેની અંદર અંદાજિત 200થી 250 કરોડનો ખર્ચ પણ દર્શાવવામાં આવી રહ્યો છે. આ પ્રોજેક્ટમાં વોટર સપ્લાય સહિતની પાયાની સુવિધાઓ પર ખાસ ધ્યાન આપવામાં આવશે.
અલગ-અલગ વિભાગો બનાવ્યા : સાબરમતી નદીનો તટ હોવાને કારણે વિદેશથી આવતા પક્ષીઓ પણ અહીંયા જોવા મળી શકે છે. અલગ અલગ પ્રકારના સંખ્યાબંધ વૃક્ષો તેમજ વૈવિધ્યસભર જીવસૃષ્ટિને પણ ધ્યાનમાં કેન્દ્રિત કરવામાં આવશે. સફારી પાર્કમાં આવતા લોકોને મનોરંજનની સાથે સાથે પ્રાણીસૃષ્ટિ અને વનસ્પતિ સૃષ્ટિનો પણ અભ્યાસ કરી શકશે. મ્યુનિસિપલ કમિશનર દ્વારા આ સફારી પાર્કને અલગ અલગ વિભાગમાં સૂચવ્યા છે. જેમાં સૌથી બહારના વિસ્તારમાં સાયકલિંગ અને જોગિંગ ટ્રેક હશે. જેમાં વનસ્પતિ સૃષ્ટિનું જતન કરી શકાશે અને સૌથી અંદરના ત્રીજા વિસ્તારમાં જંગલ સફારી હશે.
