રાજપીપળાથી અમદાવાદ ફરવા આવેલી મનાલીનો મૃતદેહ જશે વતન

અમદાવાદ:કાંકરિયા એમ્યુઝમેન્ટ પાર્કમાં આવેલી રાઈડ તૂટતા રાઈડમાં બેઠેલા 31 લોકો રાઈડ સાથે નીચે પટકાયા હતા.નીચે પટકાતા એક યુવક અને યુવતીનું ઘટના સ્થળે જ મોત થયું હતું. અને 27 લોકો ઘાયલ થયા હતા. જેમને સારવાર માટે હોસ્પિટલ ખસેડવામાં આવ્યા છે.

રાજપીપળાથી મનાલી રજવાડી નામની યુવતી અમદાવાદ સીટીએમ ખાતે તેના સંબંધીના ત્યાં આવી હતી.મનાલી અમદવાદમાં જીવનના કેટલાક આનંદના દિવસો માણવા આવી હતી. પરંતુ મનાલીના દિવસો આનંદના નહીં શોકના સાબિત થયા.મનાલી પોતાના સબંધી સાથે કાંકરિયા એમ્યુઝમેન્ટ પાર્ક માં આવી હતી.જે રાઈડ આકસ્મિક રીતે તૂટી તેમાં જ મનાલી સવાર હતી.

મનાલી રજવાડી

એમ્યુઝમેન્ટ પાર્કમાં ડિસ્કવરી રાઈડ તૂટતા જ 2 લોકોના મોત થયા હતા જેમાં એક દાણીલીમડામાં રહેતો યુવક હતો જ્યારે અન્ય મરનાર યુવતી મનાલી હતી.જે યુવતી અમદાવાદ ફરવા આવી હતી તેનું આ રીતે મોત થશે તેવું ક્યારેય સપનામાં પણ વિચાર આવ્યો નહિ હોય.રાજપીપળાથી અમદાવાદ ફરવા આવનાર મનાલીનો મૃતદેહ એલ.જી.હોસ્પિટલમાં પીએમ માટે ખસેડવામાં આવ્યો છે.પોસ્ટમોર્ટમ થયા બાદ મૃતદેહ તેના ઘરે રાજપીપળા લઈ જવામાં આવશે..જે માં-બાપે પોતાની લાડકી દીકરીને અમદાવાદ મોકલી હતી જે દીકરી હવે ક્યારેય પોતાના મા-બાપને નહીં મળે.આ ઘટનાની જાણ પરિવારને થતા પરિવાર શોકમાં ડૂબી ગયો છે.