અમદાવાદઃ શહેરમાં નેતાઓ આવી રહ્યા છે સાથે ક્રિકેટ મેચ યોજાય (Ahmedabad Crime Branch) રહી છે. આ સાથે રથયાત્રા નીકળવાની છે. ત્યારે અમદાવાદ શહેર પોલીસ દ્વારા સઘન ચેકીંગ કરવામાં આવી રહ્યું છે. અમદાવાદ ક્રાઈમ બ્રાન્ચ દ્વારા દેશી હથિયાર સાથે ત્રણ લોકોની ધરપકડ કરી હતી. અમદાવાદ ક્રાઈમ બ્રાન્ચે બાતમીને આધારે વેજલપુમાંથી 3 આરોપીને 4 નંગ દેશી બનાવટી (Home made weapons) પિસ્તોલ અને 516 કાર્ટીઝ નંગ સાથે ઝડપી પાડવામાં આવ્યા હતા.
આ પણ વાંચોઃ મહારાષ્ટ્રનો વોન્ટેડ આરોપી દેશી રિવોલ્વર સાથે સુરતથી ઝડપાયો
મધ્યપ્રદેશથી લાવ્યા હતા હથિયાર - ક્રાઈમ બ્રાન્ચને પૂછપરછમાં(Ahmedabad weapons seized) જાણવા મળ્યું હતું કે પકડાયેલા આરોપી મોહમદ સાજીદ ઉર્ફે લાલા, મોહમદ મહેબૂબ ઉર્ફે આરીફ અને મોહમદ ઇદરીશ ઉર્ફે આ ત્રણેય આરોપી મધ્યપ્રદેશથી હથિયાર લાવીને પોતાના નિવાસસ્થાન વેજલપુરમાં મુક્યા હતા. ક્રાઈમ બ્રાન્ચે બાતમીને આધારે આ ત્રણેય આરોપી રાજકોટ અને બોટાદ હથિયાર પહોંચાડે તે પહેલાં જ દેશી હાથ બનાવટ પીસ્ટલ નંગ 4 કાર્ટીઝ બોક્ષ નંગ 21( કાર્ટીઝ નંગ 420) અને છુટક કાર્ટીઝ નંગ 96 સાથે ધરપકડ કરી હતી.
સાબરમતી જેલમાં હતો ત્યારે ઓળખાણ થઈ હતી - ઇદરીશ ઉર્ફે ઇદૂ જ્યારે પોતાના આગાઉ કેસમાં સાબરમતી સેન્ટ્રલ જેલમાં સજા ભોગવતો હતો તે દરમિયાન રાજકોટ અને બોટાદ બાજુના કેદીઓ સાથે ઓળખાણ થઈ હતી. આ હથિયાર રાજકોટ અને બોટાદ મોકલવાના હતા.
આ પણ વાંચોઃ વડોદરામાં મારક હથિયારો ભરેલી બે વૈભવી ગાડી સાથે ત્રણની ધરપકડ
ક્રાઈમ બ્રાન્ચે 2,23,800નો મુદ્દમાલ જપ્ત કર્યો - ક્રાઈમ બ્રાન્ચે પકડાયેલા ત્રણ આરોપી પાસેથી દેશી બનાવટ પિસ્તોલ નંગ 4 જેની કિંમત 1 લાખ 50 હજાર કાર્ટીઝ નંગ 516 કિંમત 52,600 સાથે મોબાઈલ 8500 અને રોકડ કિંમત 12,500 એમ કુલ મળીને 2,23,800નો મુદ્દમાલ કબ્જે કર્યો હતો.
