અમદાવાદ: ભાજપના નેતા અનંત હેગડેના વિવાદિત નિવેદન પર કોંગ્રેસના પ્રહાર

અમદાવાદ:ભાજપના પૂર્વ કેન્દ્રીયપ્રધાન અને હાલના કર્ણાટકના સાંસદ અનંત હેગડેએ બેંગ્લુરૂમાં જાહેરસભામાં નિવેદન આપ્યું હતું કે દેશના રાષ્ટ્રપિતા મહાત્મા ગાંધીએ આઝાદી માટે કરેલા આંદોલનો નાટક છે. આ પ્રકારના વિવાદિત નિવેદન બાદ દેશભરમાંથી હેગડે પર લોકોએ પ્રહાર કર્યા છે. આ મુદ્દે ગુજરાત કોંગ્રેસે શબ્દપ્રહાર કર્યા છે.

ગુજરાત કોંગ્રેસના પ્રવક્તા મનીષ દોશીએ જણાવ્યું હતું કે બફાટ કરવો એ ભાજપના નેતાની સંસ્કૃતિ છે.જે વિચારધારાએ મહાત્મા ગાંધીજીની હત્યા કરી તે વિચારધારા ભાજપની છે. મહાત્મા ગાંધીના સત્યાગ્રહમાંથી સમગ્ર વિશ્વએ પ્રેરણા મેળવી છે અને ભાજપના અંતનકુમાર હેગડે ગાંધીજી વિશે વિવાદિત નિવેદન આપેછે. આ નિવેદન દિલ્હી અને નાગપુરમાં બેઠેલા તેમના આકાઓની માનસિકતા પ્રદર્શિત કરે છે.