અમદાવાદ : શહેરમાં રખડતા પશુઓનો ત્રાસ ખૂબ મોટા પ્રમાણમાં જોવા મળતો હતો. જેને લઇને અમદાવાદ મ્યુનિસિપલ કોર્પોરેશન દ્વારા ઢોર પકડવાની કામગીરી કરવામાં આવી હતી. તેમ છતાં પણ મોટા પ્રમાણમાં રખડતા ઢોરને કારણે અનેક રાહદારીઓને અકસ્માતનો ભોગ બન્યા હતા. હાઇકોર્ટની ફટકાર બાદ અમદાવાદ મ્યુનિસિપલ કોર્પોરેશન દ્વારા પશુપાલકોએ પશુ રાખવા માટે લાયસન્સ લેવું ફરજિયાત કરવામાં આવ્યું છે, પરંતુ આ પોલીસીમાં દંડની જોગવાઈ ના વિચારણાને કારણે આજની સ્ટેન્ડિંગ કમિટીમાં તેને મંજૂરી આપવામાં આવી નથી. આવનારી સ્ટેન્ડિંગ કમિટીમાં વિચારણા કરીને તેને અમલમાં મૂકવામાં આવશે.
દંડની જોગવાઈ મુદ્દે વિચારણા : સ્ટેન્ડિંગ કમિટીના ચેરમેન હિતેશ બારોટએ જણાવ્યું હતું કે, શહેરમાં રખડતા ઢોર મુદ્દે અમદાવાદ મ્યુનિસિપલ કોર્પોરેશન દ્વારા પશુ રાખવા માટે પોલીસી તૈયાર કરવામાં આવી હતી. પરંતુ તેની દંડની જોગવાઈમાં કોઈ વ્યવસ્થિત ઉલ્લેખ જોવા ન મળતા તેને વિચારવા માટે પરત મોકલવામાં આવ્યું છે. જેમાં પશુપાલકને કેટલા ઢોર રાખી શકે અને દંડની જોગવાઈ પશુપાલક કે પછી પશુ દીઠ હતી કે તેનો કોઈ ઉલ્લેખ જોવા મળતો ન હતો. માત્ર 2000 રૂપિયા દંડની જોગવાઈ કરવામાં આવી હતી. જેને લઈને આને વિચારવા માટે પરત મોકલવામાં આવ્યું છે. જે આવનાર સ્ટેડિંગની કમિટીમાં વિચારીને ફરીથી મૂકવામાં આવશે.
કામગીરીના મુખ્ય મુદ્દાઓ : ઢોરનો ત્રાસ અંકુશ મુકવા માટે લાયસન્સ અને પરમિટની કામગીરી કરવી. RFID પશુને લગાવવાની કામગીરી કરવી, નંબર દ્વારા પશુ માલિકની ઓળખ કરવી, તેની સામે પશુ રખડતું મુકવા બદલ વિવિધ જોગવાઈ હેઠળ કાયદેસરની કાર્યવાહી કરવી, રખડતા ઢોર સીએનસીડી વિભાગની ટીમ દ્વારા પકડીને ઢોરને પાંજરાપોળમાં મોકલી આપવાની કામગીરી કરવી, સમાધાન કરી કે દંડ કરી ઢોરને મુક્ત કરવાની કામગીરી કરવી, ઢોર પકડવામાં કામગીરીમાં સક્સેમે હુમલો કરનાર સખની જાહેરમાં ભંગની ફરિયાદ દાખલ કરવાની કાર્યવાહી કરવી જેવી વિવિધ આ પોલીસીમાં મુખ્ય મુદ્દાઓ આવરી લેવામાં આવ્યા હતા.
પશુ રાખવા માટે લાયસન્સ : અમદાવાદ મ્યુનિસિપલ કોર્પોરેશન દ્વારા ઢોર નિયંત્રણ માટે જે પોલિસી જાહેર કરવામાં આવી છે. તેની અંદર પશુ માલિક વ્યક્તિગત રીતે પોતાના ઉપયોગ માટે ઘરે પશુ રાખે તો તેને અમદાવાદ મ્યુનિસિપલ કોર્પોરેશનમાંથી પશુ રાખવા અંગેનું પરમિટ લેવાની રહેશે. તે પરમિટ નિયત સમયે નક્કી કર્યા થયા મુજબ ચાર્જ ભરીને રીન્યુ કરાવવાનું રહેશે. જો પરમીશનમાં દર્શાવેલ સંખ્યા વધુ ઢોર હશે તો તેને દંડની કાર્યવાહી કરવામાં આવશે. આ ઉપરાંત પશુપાલન પશુઓ સાથે રાખીને પશુઓના દૂધના વેચાણમાં અથવા પશુનો અન્ય રીતે વ્યવસાયિક રીતે ઉપયોગ કરતો હશે તો અમદાવાદ મ્યુનિસિપલ કોર્પોરેશન પાસેથી પશુ રાખવા અંગેનું લાયસન્સ લેવાનું રહેશે. આ લાયસન્સને નિયત સમયે નક્કી થયા મુજબ ચાર્જ ભરીને રીન્યુ કરાવવાનું ફરજિયાત રહેશે.
પરમિટ અને લાયસન્સ ફી નક્કી : જો પશુપાલક પાસે જે પરમિટ અને લાયસન્સ લીધી હશે. તેનો સમયગાળો 3 વર્ષ માટેનો રાખવામાં આવ્યો છે.
3 વર્ષ માટે લાયસન્સની ફી 2000 રૂપિયા અને પરમિટ ફી રૂપિયા 500 ભરવાની રહેશે. 3 વર્ષની મુદત પૂર્ણ થયા હોય તેના એક માસ પહેલા અરજી કરીને 500 રૂપિયા ભરીને લાયસન્સ અને પરમીટ રીન્યુ કરવાની રહેશે. જો મુદત પૂર્ણ થયા બાદ રીન્યુઅલ તો તેને રૂપિયા પ્રતિમાસ લેટ ફીટ રૂપિયા 1000 તરીકે ભરવાની રહેશે. જેમાં દરેક પશુપાલકે પસંદગી રૂપિયા 200 રજીસ્ટ્રેશન ફી પણ ભરવાની રહેશે.
આ પણ વાંચો : Navsari News : નવસારી છાપરા રોડના ભરચક વિસ્તારમાં ભયંકર આખલા યુદ્ધ, જૂઓ વિડીયો
પશુઓની નોંધણી કરવી પડશે : કોઈ પણ પશુ શહેરની હદમાં લાવવા પૂરો મ્યુનિસિપલ કમિશનરની પૂર્વ મંજૂરી મેળવવાની રહેશે. જો કોઈ પશુપાલન શહેરની બહારથી નવા ઢોર લાવે તો તેને એક માસ સુધી પશુની નોંધણી કરાવી ચીપ અને ટેગ લગાડવા માટેની પરમિશન પરમીટ અને લાયસન્સ મેળવવાની પ્રક્રિયા પૂર્ણ કરવાની રહેશે. હાલમાં શહેરમાં રહેલા પશુઓની પૈકી જેને ચીપ અને ટેગ લગાડવાનું બાકી છે. તેવા પશુઓએ આગામી 2 માસની અંદર પશુદ્દીન 200 રૂપિયા આપીને ટેગ લગાડવાનું રહેશે અને બે માસ બાદ રુપિયા 1,000 પસંદ કરવામાં આવશે. આ પોલીસી અમલમાં મૂક્યાની તારીખથી 4 માસ સુધીમાં જો કોઈપણ પશુ ચીફ કે ટેગ લગાડવાનું બાકી હશે. તો તેના ઢોરને પકડીને ડબ્બામાં પૂરી દેવામાં આવશે અને પછી કોઈપણ સંજોગમાં તેને છોડવામાં આવશે નહીં.
આ પણ વાંચો : Bhavnagar News : ભાવનગરમાં રખડતાં ઢોરની અડફેટે વૃદ્ધ આવ્યાં, કમિશનરે કહ્યું આવું
ઘાસના વેચાણ માટે લાઇસન્સ : અમદાવાદ શહેરમાં કોઈપણ વ્યક્તિ કે સંસ્થા ઘાસના વેચાણ માટે કાયદાના નિયમ અંતર્ગત લાયસન્સ અને પરવાનગી મેળવવાની ફરજિયાત રહેશે. જેમાં ઘાસ ક્યાંથી લાવ્યા કોણે વેચ્યું તે તમામ બાબતોને લગતા રજીસ્ટર અને રેકોર્ડ રાખવાનો રહેશે. આ ઉપરાંત રોડ પર ઘાસનું વેચાણ અને ખવડાવવાની પ્રવૃત્તિ બંધ કરવાની ફરજિયાત રહેશે. જેમાં વિવિધ તહેવારો ધાર્મિક પ્રસંગો રહીને કારણે રૂઢિગત માન્યતા જેવા કારણે જીવદયા પ્રેમી જનતા દ્વારા પશુઓ અને જાહેરમાં ઘાસચારો ખવડાવવામાં આવે છે. જેના કારણે પશુ રોડ પર ઉભા રહે છે. જેના કારણે રોડ ઉપર અકસ્માતનો ભય રહે છે. જેને લઇને રોડ પર ખાસનું વેચાણ કરવા પર પણ પ્રતિબંધ મૂકવામાં આવ્યો છે. શહેરમાં રખડતા ઢોરથી જો કોઈપણ શહેરના નાગરિકને ગંભીર ઈજા નુકસાન થાય તો કાયદાની જોગવાઈ હેઠળ પશુપાલક સામે કાર્યવાહી કરવામાં આવશે અને જે નુકસાન થયું હશે તેનું વળતર પણ ચૂકવવાનું રહેશે.
