અમદાવાદ: જિલ્લાના ધોળકામાં 400 અને સાણંદમા 393 કોરોના પોઝિટિવ કેસ નોંધાયા છે. આ ઊપરાંત દસ્ક્રોઈ તાલુકામાં 271 કેસ નોંધાઈ ચૂક્યા છે. આ સાથે જ જિલ્લાના ગ્રામ્ય વિસ્તારમાં 58 લોકોએ કોરોનાને કારણે જીવ ગુમાવ્યો છે.
અમદાવાદ ગ્રામ્ય કોરોના અપડેટ
- ધોળકા - 400 પાર
- સાણંદ - 393
- દસ્ક્રોઈ - 271
- બાવળા - 187
નોંધ:- ગ્રામ્ય વિસ્તારમાં કોરોનાને કારણે કુલ 58 લોકોના મોત થયા છે.
બાવળામાં પણ 187 કોરોના પોઝિટિવ કેસ નોંધાઈ ચૂક્યા છે. અમદાવાદ શહેરની આસપાસ આવેલા તાલુકાઓમાં અને વિસ્તારોમાં કોરોના પોઝિટિવ કેસનું પ્રમાણ વધુ છે. જ્યારે શહેરથી થોડે દૂર આવેલા ગ્રામીણ વિસ્તારોમાં હજૂ પણ કોરોના સંક્રમણ ઓછું છે.
અમદાવાદ ગ્રામ્યમાં 1.09 લાખ જેટલા લોકોનું મોનીટરીંગ કરવામાં આવ્યું હતું. આ સાથે જ ગ્રામીણ વિસ્તારમાંથી સ્થિતિ ન બગડે એના માટે 87 હજાર ઘરોનું સેનિટાઇઝેશન કરવામાં આવ્યું છે.
