આ સમગ્ર મામલે અરજદાર જુસાબ મુંજાલિયા અને એડવોકેટ આનંદ યાજ્ઞિત મારફતે રિટ પિટિશન દાખલ કરવામાં આવી છે. જેમાં રજૂઆત કરાઈ છે કે, 18 સપ્ટેમ્બર ૨૦૧૫ના રોજ કેન્દ્રીય પર્યાવરણ મંત્રાલય દ્વારા અદાણી પોર્ટે મુંદ્રા ખાતે પર્યાવરણના નિયમોનું યોગ્ય રીતે અમલ કર્યો છે કે, કેમ તે બાબતે તપાસ કરવામાં આવે. જેમાં પર્યાવરણને નુકસાન થઇ રહ્યું છે કે કેમ,
નુકસાન થયું છે તો તેનું પ્રમાણ કેટલું છે, તેના રક્ષણ માટે શું પગલાં લઇ શકાય વગેરે બાબતોનો રિપોર્ટ કરવાનો હતો, પરંતુ આ પૈકી કોઇ આદેશનો અમલ 4 વર્ષ થઇ ગયા હોવા છતાં કરવામાં આવ્યો નથી. જેના પગલે સ્થાનિક વિસ્તારમાં પર્યાવરણને મોટા પ્રમાણમાં નુકસાન થઇ રહ્યું છે. તેથી આ સમગ્ર પ્રકરણમાં હાઇકોર્ટની ખંડપીઠે પર્યાવરણ મંત્રાલયને વિસ્તૃત રિપોર્ટ રજુ કરવાનો આદેશ કર્યો છે.
