કોરોના વાઇરસને લઈ હેલ્લારો ફિલ્મની અભિનેત્રી જાગૃતિ ઠાકોરે આપ્યો સંદેશ

વિશ્વમાં કોરોના વાઇરસનો કાળો કહેર વર્તાઈ રહ્યો છે. દેશમાં અને રાજ્યોમાં લૉકડાઉન પાર્ટ 2 ચાલી રહ્યું છે. ત્યારે ગુજરાત અને ખાસ કરી અમદાવાદની સ્થિતિ દિવસે દિવસે ગંભીર બનતી જઈ રહી છે. કોરોના વાઇરસના કેસોમાં ઉત્તરો ઉત્તર વધારો થઈ રહ્યો છે. જેનાથી બચવા ઘરે રહેવું ખુબજ જરૂરી છે. જેને જ લઇ ફિલ્મ અભિનેત્રી જાગૃતિ ઠાકોરે પ્રજા સંદેશ આપી લોકોને સુરક્ષિત રહેવા અપીલ કરી છે

અમદાવાદઃ કોરોના વાઈરસ અને લૉકડાઉનના સંદર્ભે વાત કરતા જાગૃતિ ઠાકોરે જણાવ્યું કે, 'લૉકડાઉનના સમયે આપણે આપણા પરિવાર સાથે રહેવું જોઈએ છે. ખુબજ ઝડપી દુનિયામાં લોકો ક્યાંક પરિવારને સમય આપવાનું પણ ભૂલી ગયા હતા. જ્યારે જ્યારે લોકોને કોઈ પણ વસ્તુનું અભિમાન આવ્યું છે ત્યારે ભગવાને તેમની શક્તિનો પરિચય આપ્યો છે. જેને લઈ આ એક એવો સમય ભગવાન આપ્યો છે જેમાં પરિવાર સાથે બેસવાનું પરિવારને સમય આપવાનો અને ઘરે રહી લોકો સાથે સમય વિતાવવો જોઈએ છે. કોરોના વાઇરસ નહિ પરંતુ લૉકડાઉનના સમયમાં ઘરે જ રહેવું જોઈએ એ ખુબજ જરૂરી છે.'

લૉકડાઉનના સમયમાં હજી પણ લોકો બિનજરૂરી બહાર નીકળતા જોવા મળી રહ્યા છે. ત્યારે પોલીસ પણ કડકાઈ થી કામગીરી કરી રહી છે. ત્યારે હવે જોવું રહ્યું કે કોરોના વાઇરસ હજી કેટલા લોકોને પોતાના સંકજામાં લઇ જશે.