અમદાવાદ: રાજ્યમાં છેલ્લા 10 દિવસથી જાણે આકાશમાંથી આગના ગોળા વરસી રહ્યા હોય તેમ ભારે ગરમીનો માહોલ જોવા મળી રહ્યો છે. ભારે ગરમીના કારણે બપોરના સમયે રોડ રસ્તા પણ સુમશાન જોવા મળી રહ્યા છે. આગામી 5 દિવસ સુધી શહેરમાં ઓરેન્જ એલર્ટ આપવામાં આવ્યું છે. જેના કારણે AMC દ્વારા એક્શન પ્લાન અમલમાં મુકવામા આવ્યો છે.
"ગરમી ને હિટ એક્શન પ્લાન અમલમાં મુકવામાં આવ્યો છે. આવનાર દિવસમાં 5 દિવસ માટે ઓરેન્જ એલર્ટ આપવામા આવ્યું છે. જેના કારણે હિટવેવ રહેવાની શક્યતા રહેલી છે. અમદાવાદ મ્યુનિશિપલ કોર્પોરેશનના તમામ અર્બન હેલ્થ સેન્ટર ખાતે ORSનું વિતરણ કરવામાં આવી રહ્યું છે.આ ઉપરાંત AMCએ શહેરના નાગરિકો બપોરના 12 થી 4 સમયે ઘરમાં જ રહેવાની અપીલ કરી છે.અમદાવાદ મ્યુનિસિપલ કોર્પોરેશન પાણી પરબ પણ શરૂ કરવામાં આવી છે". ડો.ભાવિન સોલંકી (આરોગ્ય અધિકારી)
સેવન કરવા માટે સૂચનાઓ: આગામી તારીખ 10 થી 14 મેના રોજ શહેરમાં 44 ડિગ્રી તાપમાન રહેવાની શક્યતા હોવાને કારણે જાહેર કરવામાં આવ્યું છે. જેમાં 10 તારીખે 43 ડિગ્રી 11 તારીખે 44 ડીગ્રી, 12 તારીખે 44 ડીગ્રી, 13 તારીખે 43 ડીગ્રી, 24 તારીખે 43 ડિગ્રી તાપમાન રહે તેવી શક્યતા છે. જેને લઈને અમદાવાદ મ્યુનિસિપલ કોર્પોરેશન દ્વારા ઓરેન્જ એલર્ટ જાહેર કરવામાં આવ્યું છે. અમદાવાદ મ્યુનિસિપલ કોર્પોરેશન દ્વારા એએમટીએસ અને બીઆરટીએસ સ્ટેશન ઉપર ઓઆરએસનું વિતરણ કરવામાં આવી રહ્યું છે. શહેરની જનતાને પણ ગરમીમાં શક્ય હોય તેટલું પ્રવાહીનું સેવન કરવા માટે સૂચનાઓ આપવામાં આવી છે.
આ પણ વાંચો Ahmedabad news: અમદાવાદ શહેરના ટ્રાફિક પાર્કિંગની સ્થિતિ મુદ્દે સરકારે કોર્ટમાં સોગંદનામુ રજૂ કર્યું Ahmedabad Crime : વટવામાં જાહેરમાં યુવકની હત્યાનો પ્રયાસ, હુમલાની ઘટનાના સીસીટીવી મળ્યાં |
ગરમીથી બચવા શું કરવું: આગામી 5 દિવસ ગરમી કારણે ઓરેન્જ એલર્ટ જાહેર કરવામાં આવ્યું છે. ગરમી બચવા માટે વધુ પ્રમાણમાં પાણી, છાશ તેમજ અન્ય પ્રવાહીનું સેવન કરવું જોઈએ. લાંબો સમય સુધી તડકામાં ના રહેવું તેમજ હળવા રંગના કપડા પહેરવા, ઠંડકવાળા સ્થળો પર સમયાંતરે આરામ કરવો. નાના બાળકો તેમજ વૃધ્ધો અને સગર્ભા સ્ત્રીઓએ ખાસ ધ્યાન રાખવું. આરોગ્ય અધિકારીના જણાવ્યા અનુસાર ભારે ગરમીમાં જો હિટ સ્ટ્રોક લક્ષણનોની વાત કરવામાં આવે તો ગરમીની અળાઈઓ થવી, ખૂબ પરસેવો થવો અને અશક્તિ લાગવી, માથાનો દુખાવો થવો, ચક્કર આવવા ચામડી લાલ સૂકી અને ગરમ થઈ જવી સ્નાયુઓના દુખાવો અને અશક્ય અને ઉલટી થવી જેવા હીટ સ્ટ્રોકના લક્ષણો છે.
