અમદાવાદની સમરસ હોસ્ટેલમાં 350 કોરોનાના દર્દીઓ ડિસ્ચાર્જ

અમદાવાદમાં કોરોનાના કહેર વચ્ચે એક રાહતના સમાચાર મળ્યા છે. જેમાં 350 જેટલા કોરોનાનાં દર્દીઓને રજા આપી દેવામાં આવી છે. આ તમામ 350 દર્દીઓને એસી બસમાં સોશિયલ ડિસ્ટન્સિંગ સાથે ઘરે મોકલવામાં આવ્યા હતા.

અમદાવાદ: સમરસ હોસ્ટેલમાં સામાન્ય લક્ષણો ધરાવતા 1000 જેટલા પોઝિટિવ દર્દીઓને રાખવામાં આવ્યા છે. સરકારની નવી ગાઈડલાઈન્સને કારણે એકસાથે 350 દર્દીઓને રજા આપવામાં આવી છે. સમરસ હોસ્ટેલની બીજી સારી વાત એ છે કે, અહીંના 203 જેટલાં દર્દીઓ 7 દિવસની આયુર્વેદિક સારવાર લઈને સાજા થયા છે. આયુર્વેદિક સારવારથી તમામ 203 લોકોનાં રિપોર્ટ નેગેટિવ આવ્યા હતા.

અમદાવાદમાં કોરોનાનાં કુલ કેસ 5540 છે તો તેની સામે ડિસ્ચાર્જ થયેલા દર્દીઓની કુલ સંખ્યા 1107 છે. તેમજ કુલ 363 લોકોના મોત નિપજ્યા છે.