યુવક સેવા અને સાંસ્કૃતિક પ્રવુત્તિ વિભાગ ગાંધીનગર દ્વારા આયોજીત ગુજરાત રાજ્ય બાળ અન્ડર-14 સ્કૂલ ગેઇમ્સ સોફ્ટ ટેનિસ સ્પર્ધા સ્પોર્ટ્સ કોમ્પલેક્ષ અમદાવાદ મુકામે 23 નવેમ્બર 2019ના રોજ પૂર્ણ થઇ હતી. જેમાં,મોડાસા નગરની શ્રી સી.જી.બુટાલા સેકન્ડરી અને શ્રી બી.વી.બુટાલા હાયર સેકન્ડરી સર્વોદય હાઈસ્કૂલનો વિદ્યાર્થી ભાવેશ ખીલવાણીએ ગોલ્ડ મેડલ મેળવી અરવલ્લી જિલ્લાનું ગૌરવ વધાર્યું છે.
ભાવેશ ગુજરાતની ટીમનું પ્રતિનિધિત્વ કરતા રાષ્ટ્ર કક્ષાની સ્પર્ધામાં ભાગ લેવા જશે. ઉલ્લેખનીય છે કે, અગાઉ પણ ભાવેશે 2017માં રાષ્ટ્ર કક્ષાએ સિલ્વર અને 2018માં ગોલ્ડ મેડલ જીત્યો હતો. જેથી ભાવેશ સળંગ ત્રીજા વર્ષે રાષ્ટ્ર કક્ષાની સ્પર્ધામાં ભાગ લેવા જશે.
ભાવેશે મેળવેલી સિદ્ધિ બદલ મોડાસા કેળવણી મંડળના પ્રમુખ બિપીનભાઈ આર.શાહ, ઉપપ્રમુખ કનુભાઈ સી.શાહ, પ્રભારી માનદમંત્રી ધીરેનભાઈ બી.પ્રજાપતિ અને શાળાના પ્રિન્સીપાલ ડૉ.આર.સી.મહેતાએ રાષ્ટ્ર કક્ષાએ પણ સફળતા પ્રાપ્ત કરે તેવી શુભેચ્છાઓ સાથે અભિનંદન પાઠવ્યા હતાં.
