- પ્રિયા મલિકે વર્લ્ડ કેડેટ રેસલિંગ ચેમ્પિયનશીપમાં ગોલ્ડ મેડલ જીત્યો
- પ્રિયા મલિકને સુવર્ણ ચંદ્રક જીતવા બદલ અભિનંદન પાઠવ્યા
- 73 કિલો વજનની કેટેગરીમાં ગોલ્ડ મેડલ જીત્યો
જીંદ: હરિયાણાના મુખ્યપ્રધાન મનોહર લાલ અને રમત ગમત રાજ્યપ્રધાન સંદીપસિંહે પહેલવાન પ્રિયા મલિકને સુવર્ણ ચંદ્રક જીતવા બદલ અભિનંદન પાઠવ્યા છે. જણાવી દઈએ કે, હરિયાણાની છોરી પ્રિયા મલિકે વર્લ્ડ કેડેટ રેસલિંગ ચેમ્પિયનશીપમાં ગોલ્ડ મેડલ જીત્યો છે. હંગેરીમાં યોજાયેલી આ ચેમ્પિયનશીપમાં પ્રિયા મલિકે મહિલાઓની 73 કિલો વજનની કેટેગરીમાં ગોલ્ડ મેડલ જીત્યો છે.
અભિનંદન પાઠવતા હરિયાણાના મુખ્ય પ્રધાન મનોહર લાલએ ટ્વિટ કર્યું
પ્રિયાને તેની ઉપલબ્ધિ બદલ અભિનંદન પાઠવતા હરિયાણાના મુખ્ય પ્રધાન મનોહર લાલએ ટ્વિટ કર્યું છે કે, વર્લ્ડ કેડેટ રેસલિંગ ચેમ્પિયનશીપમાં ગોલ્ડ મેડલ જીતવા બદલ ભારત અને હરિયાણામાં ગૌરવ અપાવનારી પુત્રી કુસ્તી ખેલાડી પ્રિયા મલિકને હાર્દિક અભિનંદન. બીજી તરફ રમત ગમત રાજ્યપ્રધાન સંદીપ સિંહે લખ્યું છે કે, હંગેરીના બુડાપેસ્ટમાં આયોજિત વર્લ્ડ કેડેટ રેસલિંગ ચેમ્પિયનશીપમાં હરિયાણાની મહિલા રેસલિંગ ખેલાડી પ્રિયા મલિકની પુત્રીને અભિનંદન.
આ પણ વાંચો: IND vs NZ WTC Final Live Score : પ્રથમ ઈનિંગ્સમાં ભારત 217 પર ઓલઆઉટ, જેમિસને ઝડપી 5 વિકેટ
બેલારુસિયન રેસલરને 5-0થી હરાવીને ગોલ્ડ મેડલ જીત્યો
વર્લ્ડ કેડેટ રેસલિંગ ચેમ્પિયનશીપમાં ભારતની મહિલા રેસલર પ્રિયા મલિકે બેલારુસિયન રેસલરને 5-0થી હરાવીને ગોલ્ડ મેડલ જીત્યો છે. પ્રિયા મલિક ઉપરાંત રેસલર તનુ પણ 43 કિલો વજનની કેટેગરીમાં ગોલ્ડ જીતી ચૂકી છે. પ્રિયા મલિકે અગાઉ 2019માં પૂણેમાં ખેલ ઈન્ડિયામાં ગોલ્ડ મેડલ, 2019 માં દિલ્હીમાં 17 મી સ્કૂલ ગેમ્સમાં ગોલ્ડ મેડલ અને 2020 માં પટનામાં નેશનલ કેડેટ ચેમ્પિયનશીપમાં ગોલ્ડ મેડલ જીત્યો છે.
આ પણ વાંચો: 17મી નેશનલ પેરા એથ્લેટીક્સ ચેમ્પિયનશિપમાં પોરબંદરના 5 દિવ્યાંગોએ 7 મેડલ જીત્યા
