મેડ્રિડ: સ્પેનિશ લીગ લા લીગી ક્લબ બાર્સિલોના 5 ખેલાડી અને કોચિંગ સ્ટાફના 2 સભ્યોનો કોવિડ-19 ટેસ્ટ પોઝિટિવ આવ્યો છે.
બાર્સિલોના ક્લબના નજીકના રેડિયો સ્ટેશને જણાવ્યું હતું કે, લા લીગે મે મહિનામાં ખેલાડીઓનો કોરોના ટેસ્ટ કર્યો હતો. હાલમાં લા લીગની પહેલા 2 રાઉન્ડના મેચની તારીખ જાહેર કરી હતી.બાર્સિલાનાની ટીમ 13 જૂન રિયલ માલોર્કા વિરુદ્ધ રમાનાર મુકાબલાથી પોતાનો ખિતાબ બચાવવાના અભિયાનની શરુઆત કરશે.
કોવિડ- 19 મહામારીના કારણે 3 માર્ચે લીગને રદ્દ કરવામાં આવી હતી અને હવે 11 જૂનથી ફરી લીગની શરુઆત થવા જઈ રહી છે. 11 જૂને પ્રથમ મુકાબલામાં સેવિલાનો સામનો રિયલ બેટિસ સામે થશે.
બાર્સિલોના 16 જૂનના લેગનેસની મેજબાની કરશે. જ્યારે 18 જૂનના રિયલ મેડ્રિડની ટીમ વાલેસિયા સામે ટક્કરાશે. લીગના બધા જ મુકાબલા દર્શકો વગરના ખાલી સ્ટેડિયમમાં રમાશે.
