નવી દિલ્હીઃ ભારતીય ટીમના મુખ્ય પસંદગીકાર ચેતન શર્માએ ભારતીય ટીમના ખેલાડીઓને લઈને પોતાના ઘણા રહસ્યો જાહેર કર્યા છે. ચેતન શર્માએ ઝી ન્યૂઝ ચેનલના શોમાં નિવેદન આપીને હંગામો મચાવ્યો છે. ઝી મીડિયાના એક શોમાં ચેતન શર્માએ ટીમ ઈન્ડિયાના ઘણા સ્ટાર ખેલાડીઓથી લઈને નકલી ઈન્જેક્શન પર મોટું નિવેદન આપ્યું છે. તેમના આ નિવેદનને કારણે ચેતન શર્મા ચર્ચામાં આવી ગયા છે.
ખેલાડીઓ સ્વસ્થ રહેવા માટે ઈન્જેક્શન લે છે: પૂર્વ ભારતીય ક્રિકેટર ચેતન શર્માએ વિરાટ કોહલી, વર્તમાન કેપ્ટન રોહિત શર્મા, હાર્દિક પંડ્યા, સૌરવ ગાંગુલીના ઘણા રહસ્યો ખોલ્યા છે. ચેતન શર્માનું કહેવું છે કે ટીમ ઈન્ડિયાના ખેલાડીઓ સ્વસ્થ રહેવા માટે ઈન્જેક્શન લે છે. એટલું જ નહીં, તેણે એ પણ કહ્યું કે ખેલાડીઓ એ વાતથી વાકેફ છે કે કયા ઈન્જેક્શન ડોપિંગ હેઠળ આવતા નથી. ચેતન શર્માએ ભારતીય ટીમની ગોપનીય બાબતો પર પણ ચર્ચા કરી છે. તેનું કહેવું છે કે કિંગ કોહલી અને કેપ્ટન રોહિત શર્માને ટીમમાંથી બહાર કરવાની યુક્તિ ચાલી રહી છે. જેના કારણે છૂટછાટનું બહાનું બનાવવામાં આવી રહ્યું છે.
આ પણ વાંચો: Hardik Pandya Natasa Stankovic Wedding: હાર્દિક-નતાશાના આજે કરશે લગ્ન, ઉદરપુર ખાતે મહેમાનોનો જમાવડો
પેઈન કિલર દવા લે તો તે ડોપિંગ હેઠળ આવે: ઝી મીડિયાના શોમાં જ્યારે ચેતન શર્માને પૂછવામાં આવ્યું કે, શું ભારતીય ટીમના ખેલાડીઓ પેઈન કિલર લે છે? જેના જવાબમાં ચેતન શર્માએ કહ્યું કે એવું નથી. જો કોઈ ખેલાડી પેઈન કિલર દવા લે તો તે ડોપિંગ હેઠળ આવે છે અને ટીમના ખેલાડીઓ ડોપિંગ હેઠળ કયા ઈન્જેક્શન આવે છે તેની જાણકારી હોય છે. શો દરમિયાન ચેતન શર્માને જસપ્રીત બુમરાહના ફિટનેસ અપડેટ વિશે પૂછવામાં આવ્યું હતું. તેના જવાબમાં તેણે કહ્યું કે, જસપ્રીત બુમરાહને હજુ પણ નમવામાં મુશ્કેલી પડે છે. ગંભીર ઈજાના કારણે જસપ્રીત આ બધી સમસ્યાનો સામનો કરી રહ્યો છે.
ખાનગી રીતે ઈન્જેક્શનનો ઉપયોગ: તેઓ હજુ સુધી એકદમ ફિટ થયા નથી. આ સાથે ચેતને કહ્યું કે, ટીમમાં એક કે બે ખેલાડી એવા છે જે ખાનગી રીતે ઈન્જેક્શનનો ઉપયોગ કરે છે. નકલી ફિટનેસના ઉપયોગ પર ચેતન શર્માએ કહ્યું કે, ખેલાડીઓ ફિટ નથી. પરંતુ ઈન્જેક્શન લેવાથી ખેલાડીઓ 80 ટકા ફિટનેસમાં પણ રમવા માટે તૈયાર છે. ખેલાડીઓ ઈન્જેક્શન લઈને રમવાનું શરૂ કરે છે.
