અબુ ધાબી: IPL સિઝન-13માં આજે કિંગ્સ ઈલેવન પંજાબ અને મુંબઈ ઈન્ડિયન્સ વચ્ચે મુકાબલો યોજાશે. કિંગ્સ ઈલેવન પંજાબ અને મુંબઈ ઈન્ડિયન્સ બન્ને ટીમ તેને અગાઉની મેચોમાં મળેલી હારને પાછળ છોડી નવી શરૂઆત કરવા માગે છે.
કિંગ્સ ઈલેવન પંજાબને તેની ગત મેચમાં રાજસ્થાન રોયલ્સ દ્વારા હાર મળી હતી. KXIPએ 223 રન બનાવ્યા છતાં તેનો પરાજય થયો હતો. IPLની આ સૌથી મોટી જીત હતી.
મયંક અગ્રવાલની સદી અને કેપ્ટન લોકેશ રાહુલની શાનદાર ઈનિંગ્સની મદદથી પંજાબે પ્રથમ બેટિંગ કરીને વિશાળ સ્કોર બનાવ્યો હતો. પરંતુ સંજુ સેમસન, સ્ટીવ સ્મિથ, રાહુલ તેવટાયાના અવિશ્વસનીય પ્રદર્શન બાદ રાજસ્થાન તે લક્ષ્યને હાંસિલ કરી પંજાબને હરાવવામાં સફળ થયુ હતું.
