નવી દિલ્હી : ભારતે તાજેતરમાં જ ન્યૂઝીલેન્ડ સામે ત્રણ વનડે શ્રેણી 3-0થી જીતીને ક્લીન સ્વીપ કર્યું હતું. ODI બાદ હવે બંને ટીમો વચ્ચે T20 સિરીઝ રમાશે. શ્રેણીમાં ત્રણ ટી-20 મેચ રમાશે. પ્રથમ મેચ 27 જાન્યુઆરીએ JSCA ઈન્ટરનેશનલ સ્ટેડિયમ કોમ્પ્લેક્સમાં રમાશે. ભારતીય ટીમ ઈન્દોરથી રાંચી પહોંચી છે. રોહિત શર્મા, વિરાટ કોહલી સહિત ઘણા સિનિયર ખેલાડીઓ આ સિરીઝમાં નહીં રમે. ટીમ મેનેજમેન્ટે તેને આરામ આપ્યો છે.
JSCA ગ્રાઉન્ડમાં ક્યારેય હાર્યું નથી ભારત : ભારત રાંચીમાંં અત્યાર સુધી એક પણ T20 મેચ હારી નથી. ભારતે JSCA મેદાન પર કુલ ત્રણ T20 મેચ રમી છે અને ત્રણેયમાં જીત મેળવી છે. ભારતીય ક્રિકેટ ટીમે આ મેદાનમાં શ્રીલંકા, ઓસ્ટ્રેલિયા અને ન્યુઝીલેન્ડને હરાવ્યા છે. મહેન્દ્ર સિંહ ધોનીના હોમ ટાઉનમાં ભારતનો દબદબો રહ્યો છે. આ શ્રેણીમાં સૂર્યકુમાર યાદવ વાઇસ કેપ્ટન હશે.
આ પણ વાંચો : Womens IPL 2023: મહિલા પ્રીમિયર લીગની ટીમોની જાહેરાત, 4670 કરોડની બોલી લાગી, IPLનો રેકોર્ડ તૂટ્યો
આમને સામને : બંને ટીમો વચ્ચે અત્યાર સુધીમાં કુલ 22 T20 મેચ રમાઈ છે, જેમાં ભારતે 12 મેચ જીતી છે. તે જ સમયે, 9 મેચમાં હારનો સામનો કરવો પડ્યો હતો અને એક મેચ ટાઈ રહી હતી. ભારતે બે સુપર ઓવર મેચો પણ જીતી છે. આ આંકડાઓમાં ભારતીય ટીમનો ઉપરી હાથ દેખાઈ રહ્યો છે. તેમના જૂના રેકોર્ડ પર નજર કરીએ તો ભારતીય ટીમ ન્યૂઝીલેન્ડ સામે જીતનો ઝંડો લહેરાવી શકે છે.
મેચ શેડ્યૂલ : 1લી T20 - 27 જાન્યુઆરી - રાંચી - સાંજે 7pm 2જી T20 - 29 જાન્યુઆરી - લખનૌ - સાંજે 7pm 3જી T20 - ફેબ્રુઆરી 1 - અમદાવાદ - સાંજે 7pm.
આ પણ વાંચો : Cricketer Of The Year 2022: ICC મેન્સ T20 ઇન્ટરનેશનલ ક્રિકેટર ઓફ ધ યર બન્યો સૂર્યકુમાર યાદવ
ભારતીય ટીમ : શુભમન ગિલ, ઈશાન કિશન (વિકેટકીપર), રાહુલ ત્રિપાઠી, સૂર્યકુમાર યાદવ (વાઈસ-કેપ્ટન), હાર્દિક પંડ્યા (કેપ્ટન), દીપક હુડા, વોશિંગ્ટન સુંદર, શિવમ માવી, અર્શદીપ સિંહ, ઉમરાન મલિક, યુઝવેન્દ્ર ચહલ.
