વસીમ જાફર ઉત્તરાખંડ રણજી ટીમનો કોચ બન્યો, જીતની આશા વધી

વસીમ જાફરે કહ્યું કે, 'હું ખૂબ જ ખુશ અને ઉત્સાહિત છું. ઉત્તરાખંડની રણજી ટીમ માટે મુખ્ય કોચ પર કામ કરવું એ મારા માટે પહેલી વાર છે. હું ભાવી ખેલાડીઓના જીવન અને કરિયરમાં બદલાવ લાવવાનો પ્રયાસ કરીશ. હું સુનિશ્ચિત કરીશ કે, ખેલાડીઓ અને ટીમમાં સુધારો આવશે.'

નવી દિલ્હી: ભારતીય ટીમના પૂર્વ ઓપનર બેસ્ટમેન વસીમ જાફરને આગામી સીઝન માટે ઉત્તરાખંડની ટીમનો મુખ્ય કોચ બનાવાયો છે. જાફરે એક ન્યૂઝ એજન્સીને કહ્યું કે, હા..,મને એક વર્ષ માટે ઉત્તરાખંડ રણજી ટીમનો મુખ્ય કોચ બનાવાયો છે."

જાફરે ચાલુ વર્ષે જ 7 માર્ચના રોજ ક્રિકેટ કેરિઅરને અવિવિદા કહી દીધું હતું. વસીમ જાફરનું નામ ભારતમાં ઘરેલું ક્રિકેટમાં મોટું છે. જાફરે 260 પ્રથમ વર્ગની શ્રેણી રમ્યો છે. જેમાં 50.67ની એવરેજથી 19410 રન બનાવ્યાં છે.

આમ, તો જાફરે ભારતીય ટીમ માટે 31 ટેસ્ટ અને બે વનડે મેચ રમી છે. જેમાં જાફરે અનુક્રમે 1944 અને 10 રન બનાવ્યાં છે. જાફરે મુંબઈથી બેસ્ટમેન તરીકે પોતાનું ક્રિકેટ કરિયર શરૂ કર્યું હતું, ત્યાર બાદ વિદર્ભ માટે રમ્યો અને બે વખત રણજી ટ્રોફી વિજેતા બનાવવામાં મોટું યોગદાન આપ્યું હતું.