ઓસ્ટ્રેલિયા/મેલબર્ન: ICC T-20 મહિલા ક્રિકેટ વિશ્વકપમાં આજે ભારત અને શ્રીલંકા વચ્ચે મેચ રમાઈ રહી હતી. જેમાં શ્રીલંકાની ટીમે ભારત સામે ટૉસ જીતીને પ્રથમ બેટિંગ કરવાનો નિર્ણય લીધો હતો, ભારતીય મહિલા ટીમે T-20 વર્લ્ડકપની ગ્રુપ મેચમાં શ્રીલંકાને 7 વિકેટે હરાવી ટૂર્નામેન્ટમાં સતત ચોથી મેચ જીતી લીધી છે.
જીત માટે મેદાનમાં ઉતરેલી ભારતીય ઓપનર શેફાલી વર્માએ 47 રન કર્યા હતા. તે સતત બીજી મેચમાં ફિફટી મારી શકી નહોતી. કેપ્ટન હરમનપ્રીત કોર 15 રને આઉટ થઇ હતી. સ્મૃતિ મંધાનાએ 17 રન કર્યા હતાં. જો કે, ભારત પહેલાથી સેમિફાઇનલમાં પહોંચી ગયું છે.
આ મેચમાં શ્રીલંકાએ ટોસ જીતીને પહેલા બેટિંગ કરતા 9 વિકેટે 113 રન કર્યા હતાં. શ્રીલંકા માટે કપ્તાન ચમારી અટ્ટાપટ્ટુએ સૌથી વધુ 33 રન બનાવ્યા હતા. આ ઉપરાંત કવિશા દિલ્હારીએ 25 રનની ઇનિંગ્સ રમી હતી. ભારત માટે રાધા યાદવે 4 ઓવરમાં 23 રન આપીને 4 વિકેટ લીધી હતી. રાજેશ્વરી ગાયકવાડે 2 અને દીપ્તિ શર્મા, શિખા પાંડે અને પૂનમ યાદવે 1-1 વિકેટ લીધી હતી.
ભારતીય ટીમે ત્રણેય મેચ જીતીને પહેલેથી સેમિફાઇનલમાં સ્થાન મેળવી લીધું હતું, તો બીજી તરફ શ્રીલંકા સેમિફાઇનલની રેસમાંથી બહાર થઇ ગયું છે, ભારતે પહેલી મેચમાં ઓસ્ટ્રેલિયાને 17 અને બીજી મેચમાં બાંગ્લાદેશને 18 રને હરાવ્યું હતું. ત્રીજી મેચમાં કિવિઝને 4 રને માત આપી હતી. આજે ભારતીય મહિલા ટીમે T-20 વર્લ્ડકપની ગ્રુપ મેચમાં શ્રીલંકાને 7 વિકેટે હરાવી ટૂર્નામેન્ટમાં સતત ચોથી મેચ જીતી લીધી છે.
ટીમ
ભારત: શેફાલી વર્મા, સ્મૃતિ મંધના, તાનિયા ભાટિયા, જેમિમા રોડ્રિગ્સ, હરમનપ્રીત કૌર, દિપ્તિ શર્મા, વેદા કૃષ્ણમૂર્તિ, શિખા પાંડે, રાધા યાદવ, પૂનમ યાદવ, રાજેશ્વરી ગાયકવાડ
શ્રીલંકા: ચમારી અથાપથુ, ઉમેશ થિમશિની, હસીની પરેરા, હંસિમા કરુણારત્ને, શશિકલા સિરિવર્ડીન, હર્ષિતા મદાવી, અનુષ્કા સંજીવની, નીલાક્ષી ડી સિલ્વા, કાવ્યા દિલહરી, સત્ય સંદિપની, ઉદેશિકા પ્રબોધની
