મુંબઈઃ પુત્રી સોનાક્ષીનો બચાવ કરતાં શત્રુધ્ન સિન્હાએ મુકેશ ખન્નાને વળતો જવાબ આપ્યો હતો. હવે સિન્હાએ અક્ષય કુમારે પીએમ કેર્યસ ફંડમાં કરેલા 25 કરોડના દાનને તેમના નિશાન સાધ્યું છે.
શત્રુધ્ન સિન્હાએ કહ્યું કે, 'દાન કરી તેની જાહેરાત કરવી એ વાહિયાત છે. કોઈ 25 કરોડનું દાન કરી રહ્યાં છે, એ સાંભળી અપમાનજનક અને હતોત્સાહિત જેવું લાગે છે. આવું કરીએ તો, તમે કોઈએ કરેલા દાનને આધારે તેની તેના સંકટ પ્રત્યેની ચિંતાને માપવા લાગો છો. દુનિયામાં કોઈ પણ સ્ટાર દાન કરેલી રકમનો દેખાડો કરતાં નથી.'
વધુમાં અભિનેતાએ જણાવ્યું કે, 'જ્યારે મે સાંભળ્યું કે કોઈએ 25 કરોડનું દાન કર્યું છે તો મે વિચાર્યું કે જે રકમ હું આપીશ તેનો કોઈ ઉપયોગ થશે ખરો.! સ્ટોપ ઈટ! બધા પોત-પોતાની રીતે બેસ્ટ કરી રહ્યાં છે. આને તારાથી મારુ મોટુ અને સ્કૂલ બોયઝના કોમ્પિટિશન જેવું ન બનાવો.'
હાલ તો અભિનેતા પોતાના પરિવાર સાથે ક્વોરનટાઈન ટાઈમ પસાર કરી રહ્યાં છે.
