હૈદરાબાદઃ બોલિવૂડના 'બાદશાહ' શાહરૂખ ખાન (Sahrukh Khan Upcoming Films) છેલ્લે ફિલ્મ 'ઝીરો'માં જોવા મળ્યો હતો. શાહરૂખ ખાને સતત ચાર વર્ષથી એક પણ ફિલ્મમાં કામ કર્યું નથી. આ દરમિયાન શાહરૂખ પારિવારિક સમસ્યાઓમાં ફસાઈ ગયો હતો. શાહરૂખની ફિલ્મ 'પઠાણ' પણ પૂરી થઈ નથી, જ્યારે શાહરૂખના ફેન્સ તેના મોટા કમબેકની રાહ જોઈ રહ્યા છે. ઉલ્લેખનીય છે કે, શાહરૂખની એક અનામી ફિલ્મ સાઉથના ફિલ્મ નિર્દેશક એટલી (Atli next project સાથે પણ ચર્ચામાં છે, જેનું શૂટિંગ શરૂ થવા જઈ રહ્યું છે.
આ પણ વાંચો: રાખી સાવંતના વાયરલ વીડિયો પર ફેન્સે કરી આવી કોમેન્ટ
શાહરૂખ-અટેલીની જોડી આગામી સપ્તાહથી ફિલ્મનું શૂંટિગ કરશે
સાઉથ ફિલ્મ ઈન્ડસ્ટ્રીના ફાઈન ડાયરેક્ટર એટલીએ ઘણા સમય પહેલા શાહરુખ સાથે ફિલ્મ બનાવવાની જાહેરાત કરી હતી. ફિલ્મ પર કામ પણ ગયા વર્ષે સપ્ટેમ્બરમાં શરૂ થયું હતું. હવે બોલિવૂડ લાઈફના સમાચાર મુજબ, શાહરૂખ-અટેલીની જોડી આગામી સપ્તાહથી ફરી આ ફિલ્મ પર કામ શરૂ કરવા જઈ રહી છે. રિપોર્ટ અનુસાર, ફિલ્મનું શૂટિંગ દક્ષિણ મુંબઈમાં કરવામાં આવશે.
શાહરૂખ પર 'પઠાણ'નું સ્પેન શેડ્યૂલ પૂરું કરવાનું પ્રેસર
બીજી તરફ, શાહરૂખ ખાને પણ ફિલ્મ 'પઠાણ'નું સ્પેન શેડ્યૂલ પૂરું કરવાનું છે. શાહરૂખના સ્પેનથી આવ્યાં બાદ પછી, એટલી ફિલ્મનું શૂટિંગ શરૂ કરશે. આ સંદર્ભે શાહરૂખ આવતા અઠવાડિયા પહેલા 'પઠાણ'નું સ્પેન શેડ્યૂલ પૂરું કરશે. આ સિવાય શાહરૂખ ફિલ્મ નિર્દેશક રાજકુમાર હિરાણીની ફિલ્મ માટે પણ માર્ચમાં કામ શરૂ કરશે.
શાહરુખ-અટેલીની ફિલ્મ પર કામ શરૂ
તમને જણાવી દઈએ કે, ગયા વર્ષે સપ્ટેમ્બરમાં શાહરુખ-અટેલીની ફિલ્મ પર કામ શરૂ થયું હતું. આ દરમિયાન શાહરૂખ અને સાઉથ ફિલ્મ ઈન્ડસ્ટ્રીની સુપરલેડી નયનતારા શૂટિંગ સેટ પર જોવા મળ્યા હતા. આર્યન ખાન જેલમાં ગયા પછી સમાચાર સામે આવ્યાં હતાં કે, નયનતારાએ આ બાબતને ધ્યાનમાં રાખીને પોતાને ફિલ્મથી દૂર કરી લીધી છે, પરંતુ હજુ સુધી આ સમાચારની કોઈ સતાવાર પુષ્ટિ થઈ નથી.
આ પણ વાંચો: પિતા-પુત્રોની આ જોડીએ ફરહાન-જાવેદ અખ્તર પહેલા લવ મેરેજ કર્યા હતા
