રણવીરે લંડનમાં દિગ્ગજ ક્રિકેટરો સાથે કરી મુલાકાત, શેર કરી તસવીરો

મુંબઇઃ બોલીવુડ સ્ટાર રણવીર સિંહે લંડનમાં પૂર્વ ક્રિકેટર શેન વૉર્ન, સચિન તેંદુલકર, સુનિલ ગાવસ્કર, વિવ રિચર્ડ્સ સાથે મુલાકાત કરી હતી. તે હાલમાં ફિલ્મકાર કબીર ખાનની આગામી ફિલ્મ ‘83’નું શુટિંગ કરી રહ્યા છે. રણવીરે રવિવારે પોતાના ફેંસ માટે પૂર્વ ખેલાડીઓ સાથે પોતાની તસવીર શેર કરી હતી.

રણવીર સિંહે પોતાની આગામી ફિલ્મ ‘83’ માટે તૈયાર છે. હાલમાં જ અભિનેતા દિગ્ગજ ક્રિકેટરો સુનીલ ગાવસ્કર, શેન વૉર્ન, વિવિયન રિચર્ડ્સ અને સચિન તેંદુલકરને મળ્યા હતા. તેમણે મુલાકાતની તસવીરો શેર કરી હતી. ‘83’ રણવીર સિંહ કપિલ દેવનો અભિનય કરતા જોવા મળશે.

સૌજન્ય ઇન્સ્ટાગ્રામ

બીજા ફોટોમાં તે વૉર્ન સાથે હસતા જોવા મળી રહ્યા છે. તેમણે કેપ્શન આપ્યું છે કે, “સ્પિન કિંગ! વાર્ની, શેન વૉર્ન, 83 ફિલ્મ, 83 સ્ક્વોડ.” ત્રીજા અને ચોથા ફોટામાં તે વિવિયન રિચર્ડ્સ અને સચિન તેંદુલકર સાથે જોવા મળે છે. તેમણે કેપ્શનમાં સચિન માટે લખ્યું છે કે, “ગૉડ ઓફ ક્રિકેટર”.

સૌજન્ય ઇન્સ્ટાગ્રામ

ફિલ્મ ‘83’ની કહાની 1983 ક્રિકેટ વિશ્વ કપમાં ભારતની પહેલી ઐતિહાસિક જીત પર આધારિત છે. રણવીર ફિલ્મમાં પૂર્વ ભારતીય કપ્તાન કપિલ દેવનો અભિનય કરશે. તે સિવાય ફિલ્મમાં સાકિબ સલીમ, હાર્ડી સંધૂ, એમી વિર્ક, પંકજ ત્રિપાઠી અને તાહિર રાજ ભસીન પણ જોવા મળશે. આ ફિલ્મ હિન્દી, તમીલ અને તેલુગૂમાં 10 એપ્રિલ 2020માં રિલિઝ થશે.

સૌજન્ય ઇન્સ્ટાગ્રામ