નવી દિલ્હી: સુશાંત સિંહ રાજપૂત કેસમાં સીબીઆઈ તપાસ શરૂ થઈ ગઈ છે. સીબીઆઈ મુંબઈના સુશાંત સિંહ રાજપૂતના કૂક નીરજની પૂછપરછ કરી રહી છે. આ પછી રિયા ચક્રવર્તી, તેના ભાઈ શૌવિક ચક્રવર્તી, સુશાંતના મિત્ર મહેશ શેટ્ટી અને સિદ્ધાર્થ પિથાણીની પૂછપરછ કરવામાં આવશે.
ગુરુવારે સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) ની ટીમ અભિનેતા સુશાંત સિંહ રાજપૂતનાં મોતની તપાસ માટે મુંબઈ પહોંચી હતી.
ઉલ્લેખનીય છે કે સુશાંતસિંહ રાજપૂત આત્મહત્યા કેસમાં સુપ્રીમ કોર્ટે નિર્ણય લીધો છે કે, હવે આ કેસની તપાસ CBI કરશે. જે સંદર્ભે સીબીઆઇની ટીમ મુંબઇ પહોંચી છે અને હાલ સુશાંતના કુકની પૂછપરછ કરી રહી છે.
