મુંબઇ : બોલિવૂડ અભિનેતા સુશાંત સિંહ રાજપૂત આત્મહત્યા કેસમાં નાણાની તપાસ કરતી એન્ફોર્સમેન્ટ ડિરેક્ટોરેટ (ED) એ સુશાંતની ગર્લફ્રેન્ડ રિયા ચક્રવર્તી, તેના પિતા ઇન્દ્રજીત અને ભાઈ શોવિકના મોબાઇલ ફોન કબજે કર્યા છે.
EDના સૂત્રોના જણાવ્યા અનુસાર, એજન્સીએ તેમની તપાસના ભાગ રૂપે રિયા અને તેના પરિવાર પાસેથી અન્ય ઇલેક્ટ્રોનિક ગેજેટ્સ પણ કબ્જે કરી છે. સૂત્રોએ જણાવ્યું હતું કે ,એજન્સીએ મોબાઇલ ફોન કબ્જે એટલા માટે કર્યા છે તે જોવા માગે છે કે, રિયા અને સુશાંત વચ્ચે શેર કરેલા SMS મોબાઈલમાંથી કાઢી નાખવામાં આવ્યા છે કે નહીં.
જો રિયા અભિનેતા અથવા તેના પરિવારના સભ્યો સાથે નાણાકીય વ્યવહાર વિશે વાત કરશે, તો ED તેની પણ તપાસ કરશે. સૂત્રોએએ પણ ઘટસ્ફોટ કર્યો હતો કે, ED દ્વારા પૂછપરછ દરમિયાન તેણે ઓક્ટોબર 2019માં ઇટાલીની યાત્રા વિશેનો પોતાનો અનુભવ શેર કર્યો હતો, જ્યારે તેણે સુશાંતને હોટલમાં હતાશ થતો જોયો હતો.
