થોડા દિવસ અગાઉ રિલીઝ થયેલી ફિલ્મ 'ડ્રીમ ગર્લ'થી લોકોના દિલમાં છવાયા બાદ હવે એક્ટર આયુષ્માન ખુરાના એક વખત ફરી આવનાર ફિલ્મ 'બાલા'થી તમામને એન્ટરટેન્મેન્ટ કરવા માટે તૈયાર છે. ફિલ્મનું ટ્રેલર રિલીઝ થઇ ગયું છે. જેને લોકોએ આવકાર્યું પણ છે. આ ઘડીમાં હવે ફિલ્મનું પ્રથમ ગીત પણ રિલીઝ કરી નાખવામાં આવ્યું છે.
- " class="align-text-top noRightClick twitterSection" data="">
'ડોંટ બી શાય' નામથી રિલીઝ થયેલા 3 મિનીટના ગીતમાં આયુષ્માન ક્યારેક વાળ વિનાના તો ક્યારેક વિગમાં જોવા મળે છે. તેમની સાથે યામી ગૌતમ અને ભૂમિ પેડનેકર પણ જોવા મળે છે.
આ ગીતને રેપર બાદશાહ, શાલ્મલી ખોલગડે, ગુરદીપ મેહંદી અને સચિન-જિગર દ્વારા ગાવામાં આવ્યું છે. ગીતના લિરિક્સ મેલ્લો ડી અને બાદશાહ દ્વારા લખવામાં આવ્યા છે. બાદશાહ તો ગીતમાં પણ જોવા મળે છે.
વાળની સમસ્યા અને તેના પર સમાજના વિચાર પર બનેલી ફિલ્મ 'બાલા' દિનેશ વિઝનના મૈડૉક ફિલ્મના બેનર નીચે બનાવવામાં આવી છે. આ ફિલ્મ 12 નવેમ્બર ના રોજ રિલીઝ થવાની હતી. પરંતુ, હવે 7 નવેમ્બરના રોજ થીએટરમાં રિલીઝ થવાની છે.
