અમિતાભ બચ્ચને હૈદ્રાબાદ ટ્રાફિક પોલીસના કર્યા વખાણ, જાણો શું છે ઘટના?

મુબંઇઃ બોલીવુડના મહાનાયક અમિતાભ બચ્ચન સોશ્યલ મીડિયા ઘણાં પર એક્ટિવ રહે છે. તેમણે ઘણીવાર કહ્યું છે કે, યુઝર્સ દ્વારા તેમણે દેશની પરિસ્થિતિનો ખ્યાલ આવે છે. જેના વિશે તે પોતાની પ્રતિક્રિયા આપે છે. બીગ-બીની આવી જ એક વાત ટ્વીટર પર ફરતાં એક વીડિયોના વખાણ કરતી વખતે જોવા મળી હતી.

હાલમાં ભંગ થતાં ટ્રાફિક નિયમોને અટકાવવા માટે હૈદરાબાદ ટ્રાફિક પોલીસ દ્વારા એક પ્રયોગ કરવામાં આવ્યો છે. જે અંતર્ગત રોડ પર એલ.ઇ.ડી (LED) લાઇટ્સ ઝેબ્રા ક્રોસિંગની પાસે લગાવવામાં આવી છે. જે ટ્રાફિક સિગ્નલ અનુસાર લીલો, પીળો અને લાલ રંગમાં જોવા મળે છે. એટલું જ નહીં, આ લાઇટ્સ સ્પીડ બ્રેકરની જેમ કામ કરે છે. દેશમાં આ પહેલીવાર બન્યું છે, જ્યારે રસ્તા પર એલ.ઇ.ડી (LED) લાઇટ્સનો ઉપયોગ કરાયો હોય. આ વીડિયો સોશ્યલ મીડિયા પર ઝડપથી વાયરલ થયો હતો.

એક યુઝરે અમિતાભ બચ્ચનને ટેગ કરી આ વીડિયો મોકલ્યો હતો. વીડિયો જોઇને સીનિયર બચ્ચન પોતાને રોકી ના શક્યાં ને તરત જવાબ આપતા લખ્યું કે, "આ ખૂબ ઉમદા વિચાર છે. આનાથી ઘણો ફાયદો થશે."

અમિતાભ અત્યારે આગામી ફિલ્મ 'ગુલાબો-સિતાબો'ની શૂંટીગમાં વ્યસ્ત છે. ત્યારે ફિલ્મના સેટ પરથી તેમનો ફર્સ્ટ લૂક હમણાં રિલીઝ થયો હતો. જેમાં તે એક વૃદ્ધનું પાત્ર ભજવી રહ્યા છે. આ ફોટો સોશ્યલ મીડિયા પર વાયરલ થતાં છવાઇ ગયો હતો. બીગ-બી છેલ્લે 'બદલા' નામની ફિલ્મમાં જોવા મળ્યા હતા. હવે તે આગામી ફિલ્મ 'ગુલાબો- સિતાબો'માં તેમજ 'ચેહરે' નામની ફિલ્મમાં જોવા મળશે.