ન્યૂયોર્કઃ વિદેશ મંત્રી એસ જયશંકરે ન્યૂયોર્કમાં ભારત-કેનેડા વિવાદ પર ખુલ્લેઆમ પોતાના વિચારો વ્યક્ત કર્યા હતા. હરદીપ સિંહ નિજ્જરની હત્યાની માહિતી શેર કરવાના પ્રશ્ન પર, તેમણે કહ્યું કે તે ધ ફાઈવ આઈઝ નામના ગુપ્તચર જૂથનો ભાગ નથી. ધ ફાઈવ આઈઝ એ પાંચ દેશોનો સમૂહ છે જેમાં અમેરિકા, યુકે, ઓસ્ટ્રેલિયા, ન્યુઝીલેન્ડ અને કેનેડાનો સમાવેશ થાય છે. આ જૂથ એક કરાર હેઠળ એકબીજા સાથે ગુપ્ત માહિતી શેર કરવા માટે બંધાયેલ છે.
-
#WATCH | New York: On India-Canada row, EAM Dr S Jaishankar says, "I'm not part of The Five Eyes, I'm certainly not part of the FBI. So I think you're asking the wrong person." pic.twitter.com/2xogAu0aDc
— ANI (@ANI) September 26, 2023 " class="align-text-top noRightClick twitterSection" data="
">#WATCH | New York: On India-Canada row, EAM Dr S Jaishankar says, "I'm not part of The Five Eyes, I'm certainly not part of the FBI. So I think you're asking the wrong person." pic.twitter.com/2xogAu0aDc
— ANI (@ANI) September 26, 2023#WATCH | New York: On India-Canada row, EAM Dr S Jaishankar says, "I'm not part of The Five Eyes, I'm certainly not part of the FBI. So I think you're asking the wrong person." pic.twitter.com/2xogAu0aDc
— ANI (@ANI) September 26, 2023
નિજ્જરની હત્યા પર જયશંકરનો જવાબ : અગાઉ, કેનેડામાં યુએસ એમ્બેસેડર ડેવિડ કોહેને કહ્યું હતું કે, નિજ્જરની હત્યા અંગેની ગુપ્ત માહિતી ફાઇવ આઇઝના ભાગીદારો વચ્ચે વહેંચવામાં આવી હતી. જેના કારણે ટ્રુડો પ્રશાસને ભારત સરકારના કથિત 'એજન્ટ' પર અલગતાવાદી શીખ નેતા હરદીપ સિંહ નિજ્જરની હત્યા સાથે સંભવિત જોડાણનો દાવો કર્યો હતો. કાર્યક્રમ દરમિયાન જયશંકરે કેનેડામાં અલગતાવાદી દળો, હિંસા અને ઉગ્રવાદથી સંબંધિત સંગઠિત અપરાધ વિશે પણ વાત કરી હતી. તેમણે કહ્યું કે કેનેડાની સરકાર રાજકીય કારણોસર તેમને 'ખૂબ જ નમ્ર' દેખાડવાનો પ્રયાસ કરી રહી છે. આ ચિંતાજનક છે. છેલ્લા કેટલાક વર્ષોમાં કેનેડાએ ખરેખર અલગતાવાદી દળો, સંગઠિત અપરાધ, હિંસા અને ઉગ્રવાદને લગતા ઘણા સંગઠિત અપરાધ જોયા છે. તેઓ બધા ખૂબ, ખૂબ જ ઊંડાણથી જોડાયેલા છે. હકીકતમાં, અમે સ્પષ્ટીકરણો અને માહિતી વિશે વાત કરી રહ્યા છીએ.
ભારત કાર્યવાહિ કરવા તૈયાર : કેનેડાના પીએમ ટ્રુડો દ્વારા ભારત પર લગાવવામાં આવેલા આરોપો અંગે વિદેશ મંત્રી જયશંકરે કહ્યું કે, જો કેનેડાની સરકાર ખાલિસ્તાની નેતા હરદીપ નિજ્જરની હત્યા અંગે ભારત સરકાર સાથે માહિતી શેર કરશે તો અમે કાર્યવાહી કરીશું. તેમણે કહ્યું કે અમે તેમને કહ્યું છે કે આ અમારી નીતિ નથી. તેમ છતાં જો તેમની પાસે કોઈ ચોક્કસ માહિતી હોય તો તેમણે અમને જણાવવી જોઈએ. અમે આ મામલાને હકારાત્મક રીતે જોવા માટે તૈયાર છીએ. પરંતુ કોઈપણ સંદર્ભ વિના માત્ર આક્ષેપો કરવાથી ચિત્ર સ્પષ્ટ થતું નથી. ભારત સરકારે કેનેડિયન પક્ષને અપરાધ વિશે ઘણી માહિતી પ્રદાન કરી છે. અમે કેનેડા સરકારને પ્રત્યાર્પણ માટે મોટી સંખ્યામાં વિનંતી કરી છે. અમે તેમને કેનેડામાંથી સંગઠિત અપરાધ અને નેતૃત્વ વિશે ઘણી માહિતી આપી છે. અમારી યાદીમાં સામેલ કેટલાક નામ આતંકવાદીઓના છે. તેની ઓળખ સ્પષ્ટ છે.
વિદેશ મંત્રીએ ચિંતા વ્યક્ત કરી : વિદેશ મંત્રીએ ભારતીય રાજદ્વારીઓને ધમકીઓ અને ભારતીય વાણિજ્ય દૂતાવાસ પર હુમલાની આ ઘટનાઓ પર ચિંતા વ્યક્ત કરી હતી. જયશંકરે કહ્યું કે અમારી એવી સ્થિતિ છે કે અમારા રાજદ્વારીઓને ધમકી આપવામાં આવી છે. અમારા કોન્સ્યુલેટ પર હુમલો કરવામાં આવ્યો છે. આમાંના ઘણાને ઘણીવાર ન્યાયી ઠેરવવામાં આવ્યા હતા અને તે પણ લોકશાહીના નામે.
