અમેરિકા દ્વારા વધતા દબાવ બાદ પોતાની સીમાની અંદર ગેરકાયદેસર રીતે રહેતા લોકો પર પ્રતિબંધ લગાવાના પ્રયાસથી મેક્સિકોએ આ પગલુ ભર્યું છે.
મેક્સિકો ઇમિગ્રેશન અધિકારીઓએ પહેલીવાર દેશમાંથી 311 ભારતીયોને ભારત પરત મોકલ્યા છે. મેક્સિકો ઇમિગ્રેશન સુત્રો દ્વારા અપાયેલી જાણકારી મુજબ આ તમામ લોકો એજંટોની મદદથી મેક્સિકો પહોંચ્યા હતા. તેઓએ વધુમાં જણાવ્યું કે આ કામ માટે એજંટોએ પ્રતિ વ્યક્તિ 25 થી 30 લાખ રૂપીયા લીધા હતા.
અન્ય એક ઇમિગ્રેશન અધિકારીના જણાવ્યા અનુસાર હજૂ પણ બાકી રહેલા ભારતીયો સાથે પૂછતાછ કરાશે અને તેઓની પર પણ કાર્યવાહી કરવામાં આવશે. મહત્વનું છે કે, મેક્સિકોથી પરત મોકલાયેલા લોકોમાં મોટાભાગના લોકો પંજાબના રહેવાસી છે અને આ તમામ લોકોમાં એક મહિલા અને 310 પુરૂષ શામેલ છે.
