પાકિસ્તાનના પૂર્વ PM નવાઝ શરીફની તબિયત લથડી

લંડન : નવાજ શરીફના પુત્ર હુસૈન નવાજે કહ્યું કે, તેમના પિતાની તબિયત નાદુરસ્ત છે. જ્યાં સુધી તેમના પ્લેટલેટની સંખ્યામાં સ્થિરતા ન આવે ત્યાં સુધી તેમને સારવાર અર્થે અમેરિકા લઈ જવા મુશ્કેલ છે. હાલમાં નવાજ શરીફની લંડનમાં સારવાર ચાલી રહી છે.

પાકિસ્તાનના પૂર્વ વડાપ્રધાન નવાજ શરીફ લાંબા સમયથી બિમાર છે. તેમના પુત્રએ કહ્યું કે, તેમને સારવાર માટે અમેરિકા લઈ જવા મુશ્કેલ છે. પાકિસ્તાન-મુસ્લીમ-લીગ-નાવજ પાર્ટીના પ્રમુખ 69 વર્ષીય નવાજ શરીફને સારવાર અર્થે 19 નવેમ્બરના રોજ એર એમ્બ્યુલન્સ દ્વારા પાકિસ્તાનથી લંડન લઈ જવામાં આવ્યા હતા.

ભષ્ટ્રાચાર મામલે 7 વર્ષની સજા ભોગવી રહેલા પાકિસ્તાનના પૂર્વ વડાપ્રધાન નવાજ શરીફને સારવાર માટે જામીન મળ્યા બાદ અંદાજે એક મહિના બાદ સારવાર અર્થ લંડન લઈ જવામાં આવ્યા હતા.