ઈસ્લામાબાદ: પાકિસ્તાનના મુખ્ય ન્યાયાધીશ (Pakistan chief justice )ગુલઝાર અહેમદે ચેતવણી આપી છે કે જો અટકાયત કેન્દ્રમાંથી કોઈ કેદીને સુપ્રીમ કોર્ટમાં રજૂ કરવામાં નહીં આવે તો વડા પ્રધાન ઈમરાન ખાનને(Prime Minister Imran Khan) સમન્સ મોકલવામાં આવશે. મંગળવારે મીડિયા રિપોર્ટ્સમાં આ વાત કહેવામાં આવી છે.
આરિફ ગુલની અટકાયત સામેના કેસની સુનાવણી
'ધ એક્સપ્રેસ ટ્રિબ્યુન' અખબારે અહેવાલ આપ્યો છે કે, ચીફ જસ્ટિસ અહમદની આગેવાની હેઠળની ત્રણ જજોની બેન્ચે અફઘાનિસ્તાન સરહદ (Afghanistan border)નજીક આર્મી કેમ્પ પર હુમલો કરવાના આરોપી આરિફ ગુલની અટકાયત સામેના કેસની સુનાવણી દરમિયાન આ વાત કહી હતી.
આરિફ ગુલ ડિટેન્શન સેન્ટરમાં
પાકિસ્તાનની સર્વોચ્ચ અદાલતે કહ્યું કે જો ગુલને અટકાયત કેન્દ્રમાંથી કોર્ટમાં રજૂ કરવામાં નહીં આવે તો તે (સુપ્રીમ કોર્ટ) વડા પ્રધાનને સમન્સ મોકલશે.જ્યારે ચીફ જસ્ટિસે એડિશનલ એટર્ની જનરલને પૂછ્યું કે શું તેઓ આરોપીઓને લઈને આવ્યા છે, તો તેમણે (Additional Attorney General) જવાબ આપ્યો, આરિફ ગુલ ડિટેન્શન સેન્ટરમાં છે અને તેને લાવવો મુશ્કેલ છે.
આ પણ વાંચોઃ Jammu and Kashmir Delimitation: ડ્રાફ્ટ બાઉન્ડ્રી પ્લાન પર BJP, NCની પ્રતિક્રિયા પર સૌની નજર
કોર્ટે સુનાવણી મંગળવાર પર મુલતવી રાખી
જેના પર ચીફ જસ્ટિસે કહ્યું કે, જો તેમને હાજર નહીં કરવામાં આવે તો કોર્ટ સીલ કરી દો. કોર્ટ પાસે નેતૃત્વને બોલાવવાની સત્તા પણ છે.ગુલની નાગરિકતાનો પ્રશ્ન કેમ ઉકેલાયો નથી? આ વિષય 2019 થી તપાસ હેઠળ છે.બેન્ચમાં સામેલ જસ્ટિસ જમાલ મંડોખેલે કહ્યું કે, શું આરીફ ગુલને જે કાયદા હેઠળ ડિટેન્શન સેન્ટરમાં રાખવામાં આવ્યો છે તે માન્ય છે? તેમણે કહ્યું કે FATA હવે ખૈબર પખ્તુનખ્વા સાથે વિલીન થઈ ગયું છે.ખૈબર પખ્તુનખ્વાના એડવોકેટ જનરલે કહ્યું કે આરોપીને સોમવારે રજૂ કરી શકાય નહીં.જેના પગલે કોર્ટે સુનાવણી મંગળવાર પર મુલતવી રાખી છે.
