વોશિંગ્ટન : ભારતીય મુળના અમેરિકી નેતા નિક્કી હેલીએ ચીન પર આરોપ લગાવ્યો છે. આ તકે આરોપ લગાવતા હેલીએ કહ્યું કે ચીન કોરોનાને લઇને આંકડાઓ છુપાવી રહી છે. ચીનમાં જો કોરોનાના કહેરની વાત કરવામાં આવે તો 82 હજાર લોકો સંક્રમિત થયા છે જ્યારે 3300 લોકોના મોત નિપજ્યા છે. જોવામાં આવે તો આ આંકડો સાચો નથી.
આ પહેલા કેન્દ્રીય તપાસ એજન્સિએ વ્હાઇટ હાઉસને ચીન દ્વારા બહાર પડેલા આંકડાઓ પર ભરોસો ન કરવા સલાહ આપી હતી. અમેરિકન પ્રમુખ ડોનાલ્ડ ટ્રમ્પે બુધવારે પત્રકારોને કહ્યું કે અમેરીકાને ચીનના આંકડાઓ પર ભરોસો નથી.
અમેરિકી રાજદુત હેલીએ ગુરૂવારે ટ્વીટ કર્યુ, ' ચીન જેવા 1.5 અરબની આબાદી વાળા દેશમાં કોરોના વાઇરસના માત્ર 82000 કેસ સામે આવ્યા છે અને 3300 લોકોના મોત નિપજ્યા છે. જે સાચા નથી.
ઉલ્લેખનિય છે કે અમેરિકામાં સંક્રમિતોની સંખ્યા 2 લાખ 45 હજાર પર પહોંચી છે અને 5800 લોકોના મોત નિપજ્યા છે.
હેલીએ કહ્યું કે, ચીન બાકી દુનિયાને વાઇરસ સામે લડાઇ લડવાને બદલે પોતાની ક્રેડિટની ચીંતા કરી રહ્યું છે