વૉશિંગ્ટનઃ યુએસ સાંસદોના દ્વિપક્ષી જૂથે H-1B વર્કિંગ વિઝામાં મોટા સુધારા સાથે સંબંધિત એક ખરડો રજૂ કર્યો છે. એચ -1બી વિઝાએ બિન-ઇમિગ્રન્ટ વિઝા છે, જે યુએસની કંપનીઓને વિશિષ્ટ વ્યવસાયોમાં વિદેશી કર્મચારીઓને રોજગાર કરવાની મંજૂરી આપે છે.
ભારત અને ચીન જેવા દેશોમાંથી કંપનીઓ દર વર્ષે હજારો કર્મચારીઓને નોકરી પર લેવા માટે આ વિઝા સુવિધા પર આધાર રાખે છે. 1 એપ્રિલના રોજ, યુ.એસ. નાગરિકતા અને ઇમિગ્રેશન સર્વિસીસ (યુએસસીઆઈએસ) એ જણાવ્યું હતું કે, તેને ટેકનોલોજી ક્ષેત્રના વિદેશી વ્યાવસાયિકો દ્વારા જરૂરી એચ -1 બી વિઝા માટે નોંધણી માટે 2,75,000 એપ્લિકેશન મળી છે, જેમાં 67 ટકાથી વધુ ભારતની છે. અમેરિકામાં 2,00,000થી વધુ ભારતીય વિદ્યાર્થીઓ છે.
