ન્યૂયોર્કઃ સમગ્ર દુનિયામાં કોરોના મહામારી ફેલાઇ છે. આ મહામારીથી સૌથી વધુ અસરગ્રસ્ત દેશ અમેરિકા છે. દેશમાં કોરોના વાઇરસથી સૌથી વધુ 22,115 લોકોનાં મોત થયાં છે. જ્યારે ન્યૂયોર્કની કોરોના વાઇરસથી ખરાબ સ્થિતિ થઇ છે. રાજ્યમાં આ મહામારીની ઝપેટમાં આવવાથી 24 કલાકમાં 758 લોકોનાં મોત થયાં છે.
ન્યૂયોર્કના ગવર્નર એન્ડ્રયૂ ક્યુમોએ કહ્યું કે, 11 એપ્રિલના રોજ સંક્રમણના કારણે 758 લોકોનાં મોત થયાં હતાં.
અમેરિકામાં આ મહામારીથી 5,06,433 લોકો સંક્રમિત છે. જ્યારે ન્યૂયોર્કમાં 1,80,458 લોકો સંક્રમિત છે અને રાજ્યમાં અત્યાર સુધી આ મહામારીથી 9,385 લોકોનાં મોત થયાં છે.
રાજ્યમાં કોવિડ-19થી 1,80,458થી વધુ લોકો સંક્રમિત છે અને મરનારા લોકોની સંખ્યા 9,385 છે.
સમગ્ર દુનિયામાં આ મહામારીથી 18,53,155 લોકો સંક્રમિત છે. જ્યારે આ મહામારીની ઝપેટમાં આવવાથી 1,14,247 લોકોનાં મોત થયાં છે.
